Поўная версія

Рэжысёрскі конкурс ідэй для спектакляў аб'яўлены ў Беларусі

Культура 12.10.2017 | 15:09

12 кастрычніка, Мінск /Кар. БЕЛТА/. Конкурсны адбор рэжысёрскіх эксплікацый (распрацовак задум будучых спектакляў) праходзіць з 9 кастрычніка па 1 снежня ў Беларусі, паведамілі БЕЛТА ў Міністэрстве культуры.

Конкурс прызначаны выяўляць і падтрымліваць таленавітых рэжысёраў і іх творчыя эксперыменты ў галіне тэатральнага мастацтва з мэтай далейшага стварэння пастановак. Да ўдзелу запрашаюцца не толькі беларусы, але і іншаземцы, якія пастаянна пражываюць у нашай краіне, - прафесійныя рэжысёры тэатраў, студэнты па спецыяльнасцях "рэжысура тэатра (драматычны тэатр)", "народная творчасць (тэатральная)", іншыя творчыя, педагагічныя работнікі, работнікі культуры з вопытам пастаноўкі спектакляў. Абмежаванне па ўзросце - да 45 гадоў.

Творчае выкананне эксплікацыі павінна ілюстраваць галоўную ідэю будучага спектакля, змяшчаць драматургічны аналіз п'есы ці іншай літаратурнай першакрыніцы (калі такая ёсць), характарыстыкі персанажаў, вызначэнне стылю і жанру пастаноўкі, асаблівасці акцёрскага выканання, распрацоўку рашэння спектакля ў часе і прасторы. Арыенціровачны кошт стварэння пастаноўкі не павінен перавышаць Br20 тыс.

Сцэнічнымі пляцоўкамі для правядзення конкурсу стануць Нацыянальны акадэмічны тэатр імя Янкі Купалы, Нацыянальны акадэмічны драмтэатр імя М. Горкага, Нацыянальны акадэмічны драмтэатр імя Якуба Коласа, Рэспубліканскі тэатр беларускай драматургіі, заслужаны калектыў Беларусі Тэатр-студыя кінаакцёра РУП "Нацыянальная кінастудыя "Беларусьфільм", Нацыянальны цэнтр сучасных мастацтваў.

Арганізатарамі конкурсу з'яўляюцца Міністэрства культуры, Беларуская дзяржаўная акадэмія мастацтваў, Беларускі саюз тэатральных дзеячаў і ўсе вышэйпералічаныя тэатральна-відовішчныя арганізацыі.-0-

Навіны рубрыкі Культура
Фота з архіва У Дзень роднай мовы NaviBand прэзентавалі сумесную работу з Меліцінай Станютай
09:54
Паслы Вялікабрытаніі, Ізраіля і Румыніі прачыталі вершы беларускіх класікаў да Дня роднай мовы
Учора 17:47
Беларуская кніга будзе шырока прадстаўлена на выстаўцы-кірмашы ў Вільнюсе
Учора 13:22
Брэсцкі тэатр лялек падрыхтаваў прэм'еру эксперыментальнага спектакля "Мой тата - птах"
Учора 11:04
У XXV Мінскай міжнародной кніжнай выстаўцы-кірмашы прымуць удзел 32 краіны
20 лютага, 18:41
Сербія стане пачэсным госцем на XXV Мінскай міжнароднай кніжнай выстаўцы-кірмашы
20 лютага, 18:07
Першыя тры дні білеты на "Славянскі базар" будуць прадавацца толькі ў касах Віцебска
20 лютага, 17:21
МЕРКАВАННЕ: Турызм можа стаць крыніцай развіцця культурнага патэнцыялу краіны
20 лютага, 15:37
Праект указа аб стымуляванні кінематаграфіі накіраваны на падтрымку якаснага кіно - Бондар
20 лютага, 14:45
Поўная версія