22 красавіка, Мінск /Кар. БЕЛТА/. Прадстаўнік Румыніі Антон Авідзіу адхілены ад удзелу ў "Еўрабачанні-2016" з-за запазычанасці нацыянальнага грамадскага тэлебачання (TVR) Еўрапейскаму вяшчальнаму саюзу (ЕВС), паведамляе БЕЛТА са спасылкай на афіцыйны сайт папулярнага песеннага конкурсу.
Запазычанасць румынскага боку перад ЕВС ацэньваецца 16 млн швейцарскіх франкаў. Рашэнне было прынята пасля таго, як апошні тэрмін, вызначаны для пагашэння большай часткі запазычанасці, скончыўся 20 красавіка.
Такім чынам, прадстаўнік Румыніі з песняй "Момант маўчання" (Moment of Silence) не зможа выйсці на сцэну "Еўрабачання-2016" у другім паўфінале песеннага конкурсу, дзе выступіць беларускі артыст IVAN (Аляксандр Іваноў). TVR, у сваю чаргу, не зможа прымаць сігнал шведскага тэлебачання і трансліраваць шоу.
Адпаведна, змяншаецца і агульная колькасць канкурсантаў - іх становіцца 42.
Міжнародны конкурс песні "Еўрабачанне-2016" пройдзе ў Швецыі з 10 па 14 мая.-0-
