Поўная версія

Майстры ткацтва сустрэнуцца на абласным конкурсе ў Старых Дарогах

Культура 10.08.2017 | 11:41
Фота з архіва
Фота з архіва

10 жніўня, Мінск /Кар. БЕЛТА/. У Старых Дарогах 19 жніўня пройдзе абласное свята-конкурс па ткацтве "Матчыны кросны", паведамілі карэспандэнту БЕЛТА ў Мінскім абласным цэнтры народнай творчасці.

Чакаецца, што мерапрыемства збярэ амаль 160 удзельнікаў. Галоўная мэта свята-конкурсу - захаванне і адраджэнне традыцый народнага ткацтва. Будзе прадстаўлена разнастайная палітра традыцыйных і сучасных вырабаў.

Пачнецца свята ўрачыстым шэсцем, у якім кожная дэлегацыя прадставіць адметны ткацкі выраб свайго рэгіёна. Парад пройдзе па вул. Парыжскай Камуны, Кірава, Камсамольскай, Пралетарскай і завершыцца на Цэнтральнай плошчы. На галоўнай пляцоўцы адбудзецца ўрачыстае адкрыццё свята-конкурсу. Будуць выступаць аматарскія калектывы са Слуцкага, Старадарожскага і Чэрвеньскага раёнаў.

Запланавана выстаўка-конкурс работ, загадзя падрыхтаваных да свята, а таксама конкурс на хуткасць і якасць ткацтва, які прадоўжыцца тры гадзіны. За гэты час майстры павінны будуць паказаць уменні, тэхналагічны і мастацкі ўзровень ткацтва ў адпаведнасці з традыцыямі свайго рэгіёна, выканаўшы на выбар фрагмент любога традыцыйнага вырабу: ручнікі, сурвэткі, паясы.

Узровень работ ацэніць журы, у якое ўвойдуць вядучыя спецыялісты-этнографы і мастацтвазнаўцы ў галіне традыцыйнай культуры, члены грамадскага аб'яднання "Беларускі саюз майстроў народнай творчасці". Узначаліць журы старшыня Беларускага саюза майстроў народнай творчасці Яўген Сахута. Узнагароджанне пераможцаў і ўрачыстае закрыццё свята-конкурсу адбудуцца на галоўнай пляцоўцы.

Будзе працаваць кірмаш рамесных вырабаў "Горад майстроў" (уздоўж вул. Камсамольскай). У гарадскім скверы размесцяцца сельскагаспадарчыя падворкі, кірмаш тавараў народнага спажывання. Дзіцячы гарадок запросіць на гульнявую праграму. Таксама будуць працаваць атракцыёны, пляцоўка па стральбе з лука і арбалета. Упрыгажэннем свята стане канцэрт з удзелам аматарскіх калектываў раёна і вобласці. Каля фантана размесціцца выстаўка ткацкіх работ, пройдзе майстар-клас па ткацтве.-0-

Навіны рубрыкі Культура
Фота з архіва У Дзень роднай мовы NaviBand прэзентавалі сумесную работу з Меліцінай Станютай
09:54
Паслы Вялікабрытаніі, Ізраіля і Румыніі прачыталі вершы беларускіх класікаў да Дня роднай мовы
Учора 17:47
Беларуская кніга будзе шырока прадстаўлена на выстаўцы-кірмашы ў Вільнюсе
Учора 13:22
Брэсцкі тэатр лялек падрыхтаваў прэм'еру эксперыментальнага спектакля "Мой тата - птах"
Учора 11:04
У XXV Мінскай міжнародной кніжнай выстаўцы-кірмашы прымуць удзел 32 краіны
20 лютага, 18:41
Сербія стане пачэсным госцем на XXV Мінскай міжнароднай кніжнай выстаўцы-кірмашы
20 лютага, 18:07
Першыя тры дні білеты на "Славянскі базар" будуць прадавацца толькі ў касах Віцебска
20 лютага, 17:21
МЕРКАВАННЕ: Турызм можа стаць крыніцай развіцця культурнага патэнцыялу краіны
20 лютага, 15:37
Праект указа аб стымуляванні кінематаграфіі накіраваны на падтрымку якаснага кіно - Бондар
20 лютага, 14:45
Поўная версія