У Стаўрапольскім краі разбіўся самалёт, ахвяр няма

19 красавіка, Мінск /Кар. БЕЛТА/. Самалёт упаў у Чырвонагвардзейскай акрузе ў Стаўраполлі, піша ТАСС са спасылкай на кіраўніка рэгіёна Уладзіміра Уладзімірава.

Як праінфармаваў губернатар, паветранае судна ўпала ў полі. "Паводле аператыўных даных, разбурэнняў і ахвяр няма, лётчыкі катапультаваліся", - паведаміў ён. Паводле яго слоў, два лётчыкі ўжо знойдзены, іх вязуць у бальніцу.

Уладзімір Уладзіміраў дадаў, што звесткі аб здарэнні ўдакладняюцца.-0-