Фота з архіва
26 сакавіка, Мінск /Кар. БЕЛТА/. Саветам Міністраў 21 сакавіка прынята
пастанова нумар 197 "Аб пераліках профільных класаў (груп) прафесійнай
накіраванасці і спецыяльнасцей", паведамляе БЕЛТА са спасылкай на
Нацыянальны прававы інтэрнэт-партал.
Дакументам устаноўлены пералік профільных класаў (груп) прафесійнай накіраванасці ўстаноў агульнай сярэдняй адукацыі. У яго ўвайшлі класы (групы) педагагічнай, спартыўна-педагагічнай, інжынернай, аграрнай і ваенна-патрыятычнай накіраванасці.
Таксама вызначаны пералік спецыяльнасцей, на якія могуць быць залічаны без уступных іспытаў ва ўстановы вышэйшай адукацыі Беларусі асобы, якія прайшлі навучанне ў адпаведных профільных класах (групах) прафесійнай накіраванасці ўстаноў агульнай сярэдняй адукацыі.
Напрыклад, выпускнікоў профільных класаў (груп) ваенна-патрыятычнай накіраванасці могуць залічыць у Ваенную акадэмію Рэспублікі Беларусь (прававое забеспячэнне дзейнасці ўнутраных войскаў, ідэалагічная работа ў падраздзяленнях Узброеных Сіл, эксплуатацыя сістэм радыёманіторынгу і радыёсупраціўлення і іншыя спецыяльнасці); на ваенны факультэт у БДУ (радыяцыйная, хімічная і біялагічная абарона; геаінфармацыйныя сістэмы); на ваенна-тэхнічны факультэт у БНТУ (эканоміка і кіраванне; эксплуатацыя наземных транспартных і тэхналагічных машын і комплексаў); на ваенны факультэт БДАА (эксплуатацыя аэрадромаў і сродкаў наземнага забеспячэння палётаў); на ваенны факультэт БДУІР (сістэмы і сеткі інфакамунікацый; радыёсістэмы і радыётэхналогіі) і інш.
Акрамя таго, прававым актам скарэкціравана палажэнне аб парадку арганізацыі і правядзення цэнтралізаванага тэсціравання, зацверджанае пастановай Саўміна ад 6 чэрвеня 2006 года нумар 714. У прыватнасці, удакладняецца пералік асоб, якія дапускаюцца да ўдзелу ў цэнтралізаваным тэсціраванні. Да іх аднесены тыя, хто мае агульную сярэднюю адукацыю; засвойвае ў XI класе змест адукацыйнай праграмы сярэдняй адукацыі; засвойвае ў XI (XII) класе змест адукацыйнай праграмы спецыяльнай адукацыі на ўзроўні агульнай сярэдняй адукацыі; мае прафесійна-тэхнічную адукацыю з агульнай сярэдняй адукацыяй або атрымлівае яе на апошнім курсе; мае сярэднюю спецыяльную адукацыю або атрымлівае яе на апошнім курсе.
Пастанова ўступае ў сілу пасля яе афіцыйнага апублікавання.-0-
Дакументам устаноўлены пералік профільных класаў (груп) прафесійнай накіраванасці ўстаноў агульнай сярэдняй адукацыі. У яго ўвайшлі класы (групы) педагагічнай, спартыўна-педагагічнай, інжынернай, аграрнай і ваенна-патрыятычнай накіраванасці.
Таксама вызначаны пералік спецыяльнасцей, на якія могуць быць залічаны без уступных іспытаў ва ўстановы вышэйшай адукацыі Беларусі асобы, якія прайшлі навучанне ў адпаведных профільных класах (групах) прафесійнай накіраванасці ўстаноў агульнай сярэдняй адукацыі.
Напрыклад, выпускнікоў профільных класаў (груп) ваенна-патрыятычнай накіраванасці могуць залічыць у Ваенную акадэмію Рэспублікі Беларусь (прававое забеспячэнне дзейнасці ўнутраных войскаў, ідэалагічная работа ў падраздзяленнях Узброеных Сіл, эксплуатацыя сістэм радыёманіторынгу і радыёсупраціўлення і іншыя спецыяльнасці); на ваенны факультэт у БДУ (радыяцыйная, хімічная і біялагічная абарона; геаінфармацыйныя сістэмы); на ваенна-тэхнічны факультэт у БНТУ (эканоміка і кіраванне; эксплуатацыя наземных транспартных і тэхналагічных машын і комплексаў); на ваенны факультэт БДАА (эксплуатацыя аэрадромаў і сродкаў наземнага забеспячэння палётаў); на ваенны факультэт БДУІР (сістэмы і сеткі інфакамунікацый; радыёсістэмы і радыётэхналогіі) і інш.
Акрамя таго, прававым актам скарэкціравана палажэнне аб парадку арганізацыі і правядзення цэнтралізаванага тэсціравання, зацверджанае пастановай Саўміна ад 6 чэрвеня 2006 года нумар 714. У прыватнасці, удакладняецца пералік асоб, якія дапускаюцца да ўдзелу ў цэнтралізаваным тэсціраванні. Да іх аднесены тыя, хто мае агульную сярэднюю адукацыю; засвойвае ў XI класе змест адукацыйнай праграмы сярэдняй адукацыі; засвойвае ў XI (XII) класе змест адукацыйнай праграмы спецыяльнай адукацыі на ўзроўні агульнай сярэдняй адукацыі; мае прафесійна-тэхнічную адукацыю з агульнай сярэдняй адукацыяй або атрымлівае яе на апошнім курсе; мае сярэднюю спецыяльную адукацыю або атрымлівае яе на апошнім курсе.
Пастанова ўступае ў сілу пасля яе афіцыйнага апублікавання.-0-
