Поўная версія

У новых падручніках павялічыцца колькасць заданняў з беларускім кантэкстам

Грамадства 10.08.2018 | 15:44

10 жніўня, Мінск /Кар. БЕЛТА/. Колькасць заданняў і практыкаванняў з беларускім кантэкстам у абноўленых падручніках для сярэдняй школы павялічыцца. Аб гэтым паведаміла на прэс-канферэнцыі ў Мінску дырэктар навукова-метадычнай установы "Нацыянальны інстытут адукацыі" Міністэрства адукацыі Беларусі Валянціна Гінчук, перадае карэспандэнт БЕЛТА.

У сувязі з укараненнем у 2018/2019 навучальным годзе ва ўстановах агульнай сярэдняй адукацыі новай праграмы для 4-га і 8-га класаў, падрыхтаваны 44 падручнікі. Вучэбныя дапаможнікі вызначаюцца шэрагам асаблівасцей, адна з іх - павелічэнне колькасці заданняў і практыкаванняў з беларускім кантэкстам. "У падручніках з'явіцца больш практыкаванняў і заданняў з беларускім кантэкстам, гэта значыць у тэкстах выкарыстоўваецца інфармацыя аб выдатных мясцінах Беларусі, аб яе спартыўных і эканамічных дасягненнях, што мае важнае значэнне як у адукацыйным, так і выхаваўчым сэнсе", - адзначыла Валянціна Гінчук.

У 2018/2019 навучальным годзе таксама з'явяцца новыя вучэбныя дапаможнікі па замежных мовах для 3-га, 6-га, 9-га і 10-га класаў, новыя падручнікі па матэматыцы, інфарматыцы і працоўным навучанні для 6-га класа.

Новы вучэбны матэрыял аптымізаваны з пункту гледжання даступнасці для навучэнцаў з улікам узроставых асаблівасцей школьнікаў, з улікам вызначанага часу для вывучэння прадмета, у вучэбных праграмах узмоцнена практыкаарыентаванасць, рэалізаваны міжпрадметныя сувязі, расказала дырэктар інстытута.

У новых падручніках будзе выкарыстана розная форма падачы інфармацыі. "Сучаснаму чалавеку даводзіцца працаваць з табліцамі, дыяграмамі, усё гэта неабходна ўмець чытаць, таму ў школьных падручніках выкарыстоўваюцца розныя формы падачы інфармацыі, каб навучыць вучняў працаваць з яе крыніцамі", - сказала яна.

Пры распрацоўцы вучэбных дапаможнікаў выкарыстоўваюцца сучасныя тэхналогіі. Усе электронныя версіі падручнікаў, якія выкарыстоўваюцца ў адукацыйным працэсе, размешчаны на Нацыянальным адукацыйным партале і даступны для бясплатнага скачвання, а іх PDF-версіі дапоўнены гіперспасылкамі, якія дазваляюць пераходзіць на іншыя кампаненты вучэбна-метадычных комплексаў.

Да новага навучальнага года будуць падрыхтаваны электронныя дадаткі па інфарматыцы для 6-га, 7-га і 8-га класаў, і яны больш інтэрактыўныя, чым PDF-версія школьных падручнікаў.

Акрамя таго, у новых падручніках выкарыстоўваецца тэхналогія дапоўненай рэальнасці, што дае магчымасць візуалізаваць вучэбны матэрыял і пашырыць уяўленне навучэнцаў аб прадмеце, які вывучаецца, адзначыла Валянціна Гінчук.

Паводле яе слоў, сёння падручнік не разглядаецца як адзіная крыніца інфармацыі, таму ў ім ёсць спасылкі на іншыя кампаненты вучэбна-метадычнага комплексу: хрэстаматыі, атласы, зборнікі задач і практыкаванняў, а таксама электронныя адукацыйныя рэсурсы на Нацыянальным адукацыйным партале.-0-

Навіны рубрыкі Грамадства
Шчырая размова на важныя для моладзі тэмы - студэнты аб сустрэчы з Прэзідэнтам
19 кастрычніка, 19:14
Генеральны сакратар АБСЕ адзначыў ролю Беларусі ў міжнародным супрацоўніцтве ў барацьбе з гандлем людзьмі
19 кастрычніка, 17:39
Рыжанкоў паабяцаў вырашыць пытанне з адсутнасцю педыятра ў Моталі
19 кастрычніка, 17:04
Першы Усебеларускі народны сход. Мінск, 19 кастрычніка 1996 года Да 100-годдзя БЕЛТА: "Навiны складаюць гiсторыю". Першы Усебеларускі народны сход
19 кастрычніка, 16:19
Мінтранс мае намер узмацніць адказнасць аўтаперавозчыкаў за невыкананне патрабаванняў бяспекі
19 кастрычніка, 13:19
Шчоткіна: малы бізнес - ключ да самарэалізацыі жанчын у вёсцы
19 кастрычніка, 11:59
Фота з архіва Тэматычныя змены, інклюзія, профільныя лагеры - Карпенка аб прыярытэтах летняга аздараўлення
19 кастрычніка, 11:57
Праект "Электронная школа" пачне працаваць ва ўсіх школах Беларусі ў бліжэйшыя 2-3 гады
19 кастрычніка, 09:07
МУС абсталявала трывожнымі кнопкамі больш за 300 навучальных устаноў Мінска
18 кастрычніка, 15:35
Поўная версія