Поўная версія

"Расатам" дапаможа падрыхтаваць 600 спецыялістаў для Беларускай АЭС

Грамадства 06.12.2017 | 13:13

6 снежня, Мінск /Кар. БЕЛТА/. Дзяржкарпарацыя "Расатам" дапаможа падрыхтаваць 600 спецыялістаў для Беларускай АЭС, паведаміў дырэктар адукацыйных праграм Дэпартамента кіравання персаналам "Расатам" Валерый Карэзін сёння ў час анлайн-канферэнцыі на сайце БЕЛТА.

Падрыхтоўка высокакваліфікаванага персаналу для гарантавання бяспечнай і эфектыўнай эксплуатацыі атамнай электрастанцыі з'яўляецца часткай кантракта на будаўніцтва Беларускай АЭС. "У адпаведнасці з гэтым кантрактам расійскі бок павінен падрыхтаваць 600 беларускіх спецыялістаў, у тым ліку 431 чалавека аператыўнага персаналу, 128 чалавек персаналу тэхнічнага абслугоўвання і рамонту і 41 чалавека персаналу інжынернай падтрымкі і інструктараў", - растлумачыў Валерый Карэзін.

Правядзенне навучання (тэарэтычнае навучанне, стажыроўка, практыка) запланавана як на тэрыторыі Расіі, так і ў Беларусі. Да гэтага часу каля 100 спецыялістаў ужо скончылі падрыхтоўку.

Адзін з важных этапаў падрыхтоўкі - стажыроўка эксплуатацыйнага персаналу на дзеючых атамных электрастанцыях. Для такой стажыроўкі выбраны самы сучасны з уведзеных у эксплуатацыю энергаблок праекта ВВЭР-1200 пакалення 3+ на Новаваронежскай АЭС.

Правядзенне стажыроўкі на Новаваронежскай АЭС было запланавана на 2016-2017 гады для 261 спецыяліста Беларускай АЭС. Так, у 2016 годзе цалкам прайшлі стажыроўку 72 спецыялісты, у 2017 годзе - 139 спецыялістаў. Цяпер праходзяць стажыроўку 47 спецыялістаў і 4 снежня адбыўся заезд апошняй групы спецыялістаў. Такім чынам, стажыроўка эксплуатацыйнага персаналу Беларускай АЭС на Новаваронежскай АЭС у 2017 годзе выканана ў запланаваным аб'ёме.

Плануецца, што ўсяго на Беларускай АЭС у штатным раскладзе будзе 2 321 спецыяліст.-0-

Навіны рубрыкі Грамадства
Шчырая размова на важныя для моладзі тэмы - студэнты аб сустрэчы з Прэзідэнтам
19 кастрычніка, 19:14
Генеральны сакратар АБСЕ адзначыў ролю Беларусі ў міжнародным супрацоўніцтве ў барацьбе з гандлем людзьмі
19 кастрычніка, 17:39
Рыжанкоў паабяцаў вырашыць пытанне з адсутнасцю педыятра ў Моталі
19 кастрычніка, 17:04
Першы Усебеларускі народны сход. Мінск, 19 кастрычніка 1996 года Да 100-годдзя БЕЛТА: "Навiны складаюць гiсторыю". Першы Усебеларускі народны сход
19 кастрычніка, 16:19
Мінтранс мае намер узмацніць адказнасць аўтаперавозчыкаў за невыкананне патрабаванняў бяспекі
19 кастрычніка, 13:19
Шчоткіна: малы бізнес - ключ да самарэалізацыі жанчын у вёсцы
19 кастрычніка, 11:59
Фота з архіва Тэматычныя змены, інклюзія, профільныя лагеры - Карпенка аб прыярытэтах летняга аздараўлення
19 кастрычніка, 11:57
Праект "Электронная школа" пачне працаваць ва ўсіх школах Беларусі ў бліжэйшыя 2-3 гады
19 кастрычніка, 09:07
МУС абсталявала трывожнымі кнопкамі больш за 300 навучальных устаноў Мінска
18 кастрычніка, 15:35
Поўная версія