20 верасня, Мінск /Кар. БЕЛТА/. Міністэрства юстыцыі ва ўзаемадзеянні з прадстаўніцтвам Еўрапейскага саюза ў Беларусі распрацоўваюць праграму дасягнення Мэт устойлівага развіцця ў прававой сферы, паведамілі БЕЛТА ў прэс-службе Мінюста.
Пытанне падрыхтоўкі праграмы разглядалася на сустрэчы міністра юстыцыі Алега Сліжэўскага з кіраўніком аддзела праграм супрацоўніцтва прадстаўніцтва Еўрапейскага саюза ў Беларусі Берэндам дэ Гроатам.
"Праект праграмы прадугледжвае прадастаўленне Еўрапейскім саюзам тэхнічнай дапамогі, у прыватнасці для ўдасканалення сістэмы прадастаўлення дзяржаўных паслуг насельніцтву па прынцыпе аднаго акна", - адзначылі ў прэс-службе.
Па выніках сустрэчы дасягнута дамоўленасць аб прадаўжэнні ўзгаднення ключавых кампанентаў праграмы з улікам меркаванняў і патрэбнасцей зацікаўленых дзяржорганаў.-0-
