17 красавіка, Мінск /Кар. БЕЛТА/. Забеспячэнне падачы дакументаў для паступлення адразу ў некалькі ВНУ ў Мінадукацыі лічаць пакуль немэтазгодным. Аб гэтым журналістам паведаміў начальнік галоўнага ўпраўлення прафесійнай адукацыі Міністэрства адукацыі Сяргей Пішчоў, перадае карэспандэнт БЕЛТА.
"Магчымасць падаваць дакументы для паступлення адразу ў дзве ВНУ ў нас сёння ёсць. Рэалізоўваецца яна пры паступленні ў Акадэмію Міністэрства ўнутраных спраў і Магілёўскі інстытут МУС, гэта значыць у іх адзіная прыёмная кампанія. На тыя спецыяльнасці, якія адкрыты ў гэтых дзвюх установах адукацыі, агульны конкурс, гэта значыць перападаваць дакументы ў Магілёўскі інстытут МУС няма неабходнасці. З улікам колькасці ўніверсітэтаў і пераліку спецыяльнасцей, якія адкрыты ў нашых установах адукацыі, яны даволі разнастайныя, забяспечыць падачу дакументаў адразу ў некалькі ВНУ мы лічым пакуль немэтазгодным. Падаць дакументы можна толькі ў адну выбраную ВНУ", - расказаў Сяргей Пішчоў.
Ён адзначыў, што беларускія ВНУ ў рамках адной установы практыкуюць прыём на групу роднасных спецыяльнасцей. "У гэтым выпадку абітурыент у заяве ўказвае не адну спецыяльнасць, а пэўны пералік спецыяльнасцей у парадку прыярытэту, які таксама ўстаноўлены парадкам прыёму, звычайна гэта альбо спецыяльнасці аднаго факультэта, альбо роднасныя спецыяльнасці, напрыклад, звязаныя з пэўнай галіной эканомікі. Абітурыент пазначае тыя спецыяльнасці, на якія ён плануе паступіць, у выпадку непраходжання па конкурсе на першую выбраную па прыярытэце ён аўтаматычна ўдзельнічае ў конкурсе на другую, выбраную па прыярытэце, і гэтак далей па ўсім пераліку, які ён пазначыў у сваёй заяве. Таму такая практыка арганізацыі прыёму дакументаў у нас ёсць", - падкрэсліў начальнік галоўнага ўпраўлення.-0-
"Магчымасць падаваць дакументы для паступлення адразу ў дзве ВНУ ў нас сёння ёсць. Рэалізоўваецца яна пры паступленні ў Акадэмію Міністэрства ўнутраных спраў і Магілёўскі інстытут МУС, гэта значыць у іх адзіная прыёмная кампанія. На тыя спецыяльнасці, якія адкрыты ў гэтых дзвюх установах адукацыі, агульны конкурс, гэта значыць перападаваць дакументы ў Магілёўскі інстытут МУС няма неабходнасці. З улікам колькасці ўніверсітэтаў і пераліку спецыяльнасцей, якія адкрыты ў нашых установах адукацыі, яны даволі разнастайныя, забяспечыць падачу дакументаў адразу ў некалькі ВНУ мы лічым пакуль немэтазгодным. Падаць дакументы можна толькі ў адну выбраную ВНУ", - расказаў Сяргей Пішчоў.
Ён адзначыў, што беларускія ВНУ ў рамках адной установы практыкуюць прыём на групу роднасных спецыяльнасцей. "У гэтым выпадку абітурыент у заяве ўказвае не адну спецыяльнасць, а пэўны пералік спецыяльнасцей у парадку прыярытэту, які таксама ўстаноўлены парадкам прыёму, звычайна гэта альбо спецыяльнасці аднаго факультэта, альбо роднасныя спецыяльнасці, напрыклад, звязаныя з пэўнай галіной эканомікі. Абітурыент пазначае тыя спецыяльнасці, на якія ён плануе паступіць, у выпадку непраходжання па конкурсе на першую выбраную па прыярытэце ён аўтаматычна ўдзельнічае ў конкурсе на другую, выбраную па прыярытэце, і гэтак далей па ўсім пераліку, які ён пазначыў у сваёй заяве. Таму такая практыка арганізацыі прыёму дакументаў у нас ёсць", - падкрэсліў начальнік галоўнага ўпраўлення.-0-
