Аляксандр Каханоўскі
28 сакавіка, Мінск /Кар. БЕЛТА/. Дэкан гістарычнага факультэта БДУ Аляксандр Каханоўскі ў праекце "У тэме" на YouTube-канале БЕЛТА растлумачыў, чаму слова "Бярэзіна" ў французскай мове з'яўляецца сінонімам катастрофы.
"Гэта звязана з паражэннем напалеонаўскіх войскаў на рацэ Бярэзіна. Гэта апошняя такая буйная бітва на тэрыторыі Беларусі. У раёне Студзёнкі ў лістападзе 1812 года Напалеон страціў значную частку сваіх войскаў, і ў раёне Барысава была рэальная магчымасць паланення Напалеона. Арміі Кутузава, Вітгенштэйна і Чычагава падыходзілі з трох бакоў, і ў іх была рэальная магчымасць акружэння (арміі Напалеона. - Заўвага БЕЛТА). Але з-за пэўных пралікаў гэтага не ўдалося зрабіць у той момант", - сказаў Аляксандр Каханоўскі.
Гісторык адзначыў, што Напалеону ўдалося пераправіцца і адысці з рэшткамі сваёй арміі. "Напалеон пайшоў далей, у раён Маладзечна і Смаргоні, а ў Смаргоні ён пакінуў рэшткі сваёй арміі і накіраваўся далей у Варшаву з амбіцыйнай мэтай перапісаць гісторыю вайны нанава. Але гэтага не адбылося", - падкрэсліў ён.
Такім чынам, канстатаваў Аляксандр Каханоўскі, паражэнне Напалеона на Бярэзіне і стала прычынай таго, што назва гэтай ракі ў французскай мове асацыіруецца з катастрофай.-0-
*Праект створаны за кошт сродкаў мэтавага збору на вытворчасць нацыянальнага кантэнту.
"Гэта звязана з паражэннем напалеонаўскіх войскаў на рацэ Бярэзіна. Гэта апошняя такая буйная бітва на тэрыторыі Беларусі. У раёне Студзёнкі ў лістападзе 1812 года Напалеон страціў значную частку сваіх войскаў, і ў раёне Барысава была рэальная магчымасць паланення Напалеона. Арміі Кутузава, Вітгенштэйна і Чычагава падыходзілі з трох бакоў, і ў іх была рэальная магчымасць акружэння (арміі Напалеона. - Заўвага БЕЛТА). Але з-за пэўных пралікаў гэтага не ўдалося зрабіць у той момант", - сказаў Аляксандр Каханоўскі.
Гісторык адзначыў, што Напалеону ўдалося пераправіцца і адысці з рэшткамі сваёй арміі. "Напалеон пайшоў далей, у раён Маладзечна і Смаргоні, а ў Смаргоні ён пакінуў рэшткі сваёй арміі і накіраваўся далей у Варшаву з амбіцыйнай мэтай перапісаць гісторыю вайны нанава. Але гэтага не адбылося", - падкрэсліў ён.
Такім чынам, канстатаваў Аляксандр Каханоўскі, паражэнне Напалеона на Бярэзіне і стала прычынай таго, што назва гэтай ракі ў французскай мове асацыіруецца з катастрофай.-0-
*Праект створаны за кошт сродкаў мэтавага збору на вытворчасць нацыянальнага кантэнту.
