28 лютага, Мінск /Кар. БЕЛТА/. РУП "Белпошта" 28 лютага не будзе прымаць плацяжы, паведамляе БЕЛТА са спасылкай на сайт кампаніі.
Магчымасць прыёму плацяжоў за паслугі і плацяжоў у бюджэт будзе адсутнічаць 28 лютага ва ўсіх аддзяленнях паштовай сувязі, у тым ліку на плацежна-даведачных тэрміналах "Белпошты". Аплата немагчыма з-за правядзення сёння тэхнічных і прафілактычных работ.
"З 1 сакавіка прыём плацяжоў ва ўсіх аддзяленнях паштовай сувязі "Белпошты" будзе весціся ў поўным аб'ёме", - дадалі ў кампаніі.-0-