Поўная версія

Фінальны этап "Снежнага снайпера"

Фотарэпартаж 03.03.2018 | 11:00

Фінальны этап рэспубліканскіх спаборніцтваў сярод дзяцей і падлеткаў па біятлоне "Снежны снайпер" праходзіць 3-4 сакавіка на базе Рэспубліканскага цэнтра алімпійскай падрыхтоўкі па зімовых відах спорту "Раўбічы".

Рэспубліканскія спаборніцтвы сярод дзяцей і падлеткаў па біятлоне "Снежны снайпер" на прызы Прэзідэнцкага спартыўнага клуба - адзін з самых маштабных і паспяховых праектаў клуба. З моманту свайго ўзнікнення ў 2007 годзе гэтыя спаборніцтвы занялі лідзіруючую пазіцыю па масавасці ўдзелу сярод такіх турніраў. Толькі ў першым "Снежным снайперы" на старты выйшлі больш за 200 тыс. дзяцей з усіх куткоў Беларусі. У спаборніцтвах удзельнічаюць юныя аматары біятлона, якія не займаюцца ў спецыялізаваных вучэбна-спартыўных установах.

Юныя спартсмены спаборнічаюць у трох узроставых групах: малодшай (11-12 гадоў), сярэдняй (13-14 гадоў) і старэйшай (15-16 гадоў). Спачатку яны выходзяць на старты на школьных, раённых і абласных этапах "Снежнага снайпера", а самыя меткія і хуткія змагаюцца за ўзнагароды ў рэспубліканскім фінале.

Фота Аксаны Манчук.

Навіны рубрыкі Фотарэпартаж
Поўная версія