Абласное зімовае спартыўнае свята "Беларуская лыжня-2019" прайшло 2 лютага ў Пячэрскім лесапарку Магілёва. У спаборніцтве ўдзельнічалі каля 500 чалавек з усіх раёнаў вобласці, а таксама Магілёва і Бабруйска.
У рамках мерапрыемства адбылося ўрачыстае ўзнагароджанне старшынёй Магілёўскага абласнога выканаўчага камітэта Уладзімірам Даманеўскім горацкай хакейнай каманды "Сокал", якая выйграла фінальныя абласныя спаборніцтвы сярод дзяцей і падлеткаў па хакеі "Залатая шайба" на прызы Прэзідэнта Рэспублікі Беларусь.
Арганізатарам свята выступіла ўпраўленне спорту і турызму Магілёўскага аблвыканкама.
Фота Алега Файніцкага