Фота Unsplash
20 сакавіка, Мінск /Кар. БЕЛТА/. На тэрыторыі Польшчы з'явіцца першы пастаянны гарнізон арміі Злучаных Штатаў. Аб гэтым заявілі ў Мінабароны Польшчы, паведамляе ТАСС.
Паводле даных ведамства, ЗША ўжо маюць сем такіх гарнізонаў у краінах Еўропы. Такім чынам, гарнізон у Польшчы стане восьмым. Афіцыйная цырымонія з гэтай нагоды запланавана на 21 сакавіка.
Адзначаецца, што амерыканскі гарнізон будзе займацца інфраструктурным забеспячэннем ваенных ЗША, якія цяпер знаходзяцца ў Польшчы. Гарнізон ЗША таксама будзе кіраваць фарпостамі амерыканскіх войскаў на польскай тэрыторыі.
Раней польскія ўлады паведамлялі, што ў краіне цяпер знаходзіцца звыш 10 тыс. амерыканскіх салдат.-0-
