Поўная версія

У Індыі з-за паводкі эвакуіраваны больш за 45 тыс. чалавек

У свеце 16.09.2019 | 15:20
Фота Hindustan Times
Фота Hindustan Times

16 верасня, Мінск /Кар. БЕЛТА/. Больш за 45 тыс. чалавек эвакуіраваны з ахопленых паводкай раёнаў індыйскага штата Мадх'я-Прадэш. Аб гэтым паведамляе індыйская газета Hindustan Times.

Пацярпелыя - большасць з акруг Мандсаур і Німуч - былі размешчаны ў 150 лагерах, ім аказваюць экстранную дапамогу. Выратавальныя аперацыі ў раёнах бедства прадаўжаюцца.

Паводле даных Метэаралагічнай службы Індыі, у горадзе Манасе (штата Німуч) на працягу сутак - з 14 па 15 верасня - выпала 243 мм ападкаў. Сіноптыкі прагназуюць, што ў некаторых акругах штата Мадх'я-Прадэш ліўні спыняцца толькі ўвечары 16 верасня.

Як паведамлялася раней, больш за 200 чалавек загінулі з-за моцных мусонных ліўняў у цэнтральным індыйскім штаце Мадх'я-Прадэш па стане на 13 верасня. Новых звестак аб загінулых у выніку стыхіі не паведамляецца.-0-

Навіны рубрыкі У свеце
Поўная версія