Поўная версія

Пры ўзрыве дома ў італьянскай Гарыцыі загінулі тры чалавекі

У свеце 20.06.2019 | 17:12
На месцы здарэння. Фота La Repubblica
На месцы здарэння. Фота La Repubblica

20 чэрвеня, Мінск /Кар. БЕЛТА/. Ратавальнікі знайшлі пад заваламі дома ў Гарыцыі, што абваліўся ў выніку ўзрыву, целы трох чалавек, піша італьянская газета La Repubblica.

Раней паведамлялася аб трох прапаўшых без вестак жыхарах дома, які абваліўся. Загінулых знайшлі пад абломкамі будынка спецыяльныя атрады ратавальнікаў з пошукавымі сабакамі.

Як паведамлялася раней, сёння каля 4.20 па мясцовым часе ў цэнтры горада Гарыцыя на поўначы Італіі прагрымеў узрыў, прычынай якога, паводле папярэдніх даных, паслужыла ўцечка газу. У выніку будынак быў поўнасцю разбураны. Раён здарэння ачэплены. Паводле слоў працуючых на месцы інцыдэнту пажарных, у раёне вельмі моцна пахне газам. Тэхнікі працуюць над устараненнем уцечкі.-0-

Навіны рубрыкі У свеце
Поўная версія