Поўная версія

Прэм'ер-міністрам Румыніі назначаны Людовік Орбан

У свеце 15.10.2019 | 18:56
Людовік Орбан і Клаус Ёханіс. Фота Libertatea.ro
Людовік Орбан і Клаус Ёханіс. Фота Libertatea.ro

15 кастрычніка, Мінск /Кар. БЕЛТА/. Прэм'ер-міністрам Румыніі назначаны лідар Нацыянальнай ліберальнай партыі Людовік Орбан, паведамляе румынская газета Libertatea.

Прэзідэнт Румыніі Клаус Ёханіс назначыў прэм'ер-міністра ў канцы перагавораў з лідарамі парламенцкіх партый.

Парламент Румыніі 10 кастрычніка вынес вотум недаверу ўраду на чале з Віярыкай Дэнчылэ. За адстаўку кабінета на сумесным пленарным пасяджэнні, якое ў прамым эфіры трансліравалася асноўнымі румынскімі тэлеканаламі, выказаліся 238 дэпутатаў і сенатараў. Чатыры чалавекі былі супраць. Каб адправіць урад у адстаўку, патрэбна было мінімум 233 галасы.

Як паведамляе ТАСС, цяпер у 10-дзённы тэрмін Людовік Орбан павінен прадставіць у парламенце склад і праграму новага кабінета і атрымаць вотум даверу.-0-

Навіны рубрыкі У свеце
Поўная версія