Поўная версія

Паводка ў Індыі: амаль 130 чалавек загінулі

У свеце 30.09.2019 | 13:11
Фота   PTI
Фота PTI

30 верасня, Мінск /Кар. БЕЛТА/. На поўначы Індыі з-за паводак і апоўзняў за апошнія чацвёра сутак загінулі амаль 130 чалавек, паведамляе індыйскі тэлеканал NDTV.

У штаце Біхар ахвярамі бесперапынных ліўняў сталі 27 чалавек. У суседнім штаце Утар-Прадэш загінулі 87 чалавек. Як паведамляе індыйская газета The Asian Age, мусонныя ліўні таксама прывялі да гібелі 13 людзей у штатах Утаракханд, Раджастхан і Мадх'я-Прадэш.

У сталіцы Біхара закрыты школы, не працуюць магазіны, адменены многія паязды з-за падтаплення чыгуначных пуцей. Урад Біхара папрасіў у ВПС Індыі два верталёты для скідвання з паветра пакетаў з медыкаментамі ў пацярпелыя ад паводкі раёны. У штаце Утар-Прадэш ратавальнікі эвакуіруюць жыхароў з затопленых раёнаў. Паліцыя перавяла каля 500 зняволеных з раённай турмы ў акрузе Балія ў іншую пасля затаплення вадой трох баракаў.

Метэаралагічная служба папярэджвае, што ў бліжэйшыя дні дажджы прадоўжацца.-0-

Навіны рубрыкі У свеце
Поўная версія