Поўная версія

Партыя Курца перамагае на парламенцкіх выбарах у Аўстрыі

У свеце 30.09.2019 | 09:52
Себасцьян Курц. Фота   Reuters
Себасцьян Курц. Фота Reuters

30 верасня, Мінск /Кар. БЕЛТА/. Кансерватыўная Аўстрыйская народная партыя (АНП) на чале з былым прэм'ер-міністрам Себасцьянам Курцам перамагае на датэрміновых парламенцкіх выбарах, якія прайшлі ў краіне 29 верасня, паведамляе Euronews.

Паводле папярэдніх вынікаў, Аўстрыйская народная партыя набрала 38,4 працэнта галасоў (73 дэпутацкія мандаты). Напружаная барацьба разгарнулася за другое і трэцяе месцы паміж сацыял-дэмакратамі - іх падтрымалі 21,5 працэнта выбаршчыкаў, і ультраправай Аўстрыйскай партыяй свабоды, якая набрала 17,3 працэнта.

Канчатковыя вынікі выбараў з улікам галасоў аўстрыйцаў, пададзеных праз пошту, будуць прадстаўлены ў бліжэйшыя дні.

Цяпер партыі Себасцьяна Курца трэба правесці перагаворы аб фарміраванні кааліцыі.-0-

Навіны рубрыкі У свеце
Поўная версія