3 сакавіка, Мінск /Кар. БЕЛТА/. Урад Манголіі прыняў рашэнне аб зняцці ўведзенай з-за пандэміі COVID-19 забароны на ўезд у краіну, паведамляе агенцтва МОНЦАМЭ.
Паводле слоў віцэ-прэм'ера Манголіі Сайнбуянгійна Амарсайхана, кіраўніцтва краіны прыме ўсе магчымыя меры, каб нармалізаваць работу турыстычнай індустрыі.
"Урад актыўна працаваў для таго, каб з 1 мая адкрыць граніцу. У краіне запушчана праграма масавай вакцынацыі насельніцтва, а таксама дзейнічаюць розныя меры па ўзмацненні санітарна-эпідэміялагічнага кантролю", - падкрэсліў віцэ-прэм'ер.
Адзначаецца, што Дзяржаўная надзвычайная камісія праверыла ўжо гатоўнасць пагранічных КПП.
Паводле апошніх даных амерыканскага Універсітэта Джонса Хопкінса, агульная колькасць заражаных COVID-19 у Манголіі перавышае 3 тыс. Паправіліся пасля каранавіруса больш як 2,3 тыс. пацыентаў, памерлі два чалавекі.-0-
