Поўная версія

Макрон: гандлёвае пагадненне Кітая і ЗША павінна ўлічваць інтарэсы іншых краін

У свеце 05.11.2019 | 12:56
Эмануэль Макрон. Фота   Associated Press
Эмануэль Макрон. Фота Associated Press

5 лістапада, Мінск /Кар. БЕЛТА/. Гандлёвае пагадненне паміж Кітаем і Злучанымі Штатамі павінна ўлічваць інтарэсы дзвюх краін, а таксама іх галоўных партнёраў, уключаючы Францыю і іншыя краіны Еўрасаюза. Аб гэтым сёння ў Шанхаі на цырымоніі адкрыцця II Кітайскай міжнароднай імпартнай выстаўкі (CIIE) заявіў прэзідэнт Францыі Эмануэль Макрон, паведамляе ТАСС.

"Мы спадзяёмся, што ў канчатковым выніку будзе дасягнута добрае пагадненне з улікам інтарэсаў дзвюх краін і іх галоўных партнёраў, уключаючы Еўрасаюз", - адзначыў Макрон.

Паводле яго слоў, урад Францыі спадзяецца, што пагадненне наконт гандлю і інвестыцый паміж ЕС і Кітаем будзе падпісана ў 2020 годзе. "Чакаем, што яно будзе ўлічваць інтарэсы ўсіх краін на аснове прынцыпаў абароны інтэлектуальнай уласнасці", - дадаў французскі лідар.-0-

Навіны рубрыкі У свеце
Поўная версія