ДЗЯРЖОРГАНЫДЗЯРЖОРГАНЫ
Флаг Серада, 1 снежня 2021
Мінск Суцэльная воблачнасць -5°C
Усе навіны
Усе навіны
У свеце
26 кастрычніка 2021, 16:48

Латвія на барацьбу з COVID-19 атрымае з еўрафонду ў шэсць разоў менш, чым планавала

Фота Shutterstock
Фота Shutterstock

26 кастрычніка, Мінск /Кар. БЕЛТА/. Латвія на пераадоленне наступстваў ад пандэміі COVID-19 атрымае з Фонду салідарнасці ЕС 1,18 млн еўра. Гэта ў шэсць разоў менш за суму, якую краіна планавала атрымаць, паведамляе Delfi са спасылкай на даклад Міністэрства аховы здароўя Латвіі.

Плануецца, што фінансаванне з Фонду салідарнасці будзе накіравана на закупку медтэхналогій і медабсталявання (550 792 еўра) і для пакрыцця расходаў Нацыянальнай службы аховы здароўя на распрацоўку адзінага лічбавага сэрвісу эпідэміялагічнай бяспекі (626 885 еўра).

Фонд салідарнасці ЕС створаны па ініцыятыве Еўракамісіі ў 2002 годзе, ён дапамагае краінам-удзельніцам і краінам-кандыдатам пры аднаўленні інфраструктуры і службаў у выпадку значных прыродных бедстваў. З красавіка 2020 года сфера дзейнасці фонду пашырана: з гэтага моманту ён можа аказваць краінам фінансавую падтрымку пры значных надзвычайных сітуацыях, звязаных са здароўем людзей.

Латвія звярнулася ў фонд па дапамогу, паколькі краіна накіравала значныя сродкі з дзяржбюджэту на ўстараненне наступстваў каранавіруса. Летам 2020 года Міністэрства аховы здароўя накіравала Еўракамісіі заяўку на атрыманне сродкаў з фонду, агульная названая ў заяўцы сума расходаў склала 178,63 млн еўра. З улікам формул, якія выкарыстоўваюцца для прадастаўлення сродкаў з Фонду салідарнасці, чакалася, што Латвія атрымае 7,7 млн еўра.

У Еўракамісіі палічылі, што частка расходаў, названых Латвіяй у заяўцы, не мае прамой сувязі са сферай аховы здароўя.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі