Поўная версія

Зборная Беларусі па пляжным футболе перад ЧС правядзе два спарынгі ў Бразіліі

Спорт 12.11.2019 | 16:19
Фота АФПФ
Фота АФПФ

12 лістапада, Мінск /Кар. БЕЛТА/. Зборная Беларусі па пляжным футболе перад дэбютам на чэмпіянаце свету правядзе два кантрольныя матчы ў Рыа-дэ-Жанэйра, паведамляе карэспандэнт БЕЛТА.

Беларусы прыбылі ўжо ў Бразілію, на 15 лістапада ў іх намечаны спарынг з камандай Японіі, а 17 лістапада адбудзецца сустрэча з дзеючым чэмпіёнам планеты зборнай Бразіліі. Перад вылетам за акіян беларуская каманда правяла ў Партугаліі два таварыскія паядынкі з нацыянальнай зборнай гэтай краіны. Першая сустрэча завяршылася перамогай партугальцаў у серыі пасляматчавых пенальці - 4:3 (асноўны час - 5:5), а ў паўторнай беларусы выйгралі з лікам 8:4.

Галоўны трэнер беларускай дружыны іспанскі спецыяліст Нікалас Альварада ўключыў у склад 14 футбалістаў:

варатары - Валерый Макарэвіч, Канстанцін Магалецкі;

палявыя ігракі - Вадзім Бакач, Ігар Брыштэль, Юрый Пятроўскі, Ілья Савіч, Мікіта Чайкоўскі, Алег Гапон, Іван Мірановіч, Анатоль Рабко, Іван Канстанцінаў, Дзяніс Самсонаў.

У рэзерве знаходзяцца Уладзімір Усціновіч і Арцемій Дрозд.

Пасля двух таварыскіх матчаў у Рыа беларуская каманда 18 лістапада адправіцца ў парагвайскі Асуньсьён, дзе 21 лістапада стартуе чэмпіянат свету. Беларускія "пляжнікі", якія ўпершыню прабіліся ў лік удзельнікаў фінальнай стадыі планетарнага форуму, на папярэднім этапе згуляюць у групе С супраць зборных ААЭ (22 лістапада), Сенегала (24 лістапада) і Расіі (26 лістапада).

Склады астатніх папярэдніх груп сусветнага першынства:

А - Парагвай, Японія, Швейцарыя, ЗША.

В - Італія, Мексіка, Уругвай, Таіці.

D - Бразілія, Партугалія, Нігерыя, Аман.

Пасля завяршэння групавога этапу ў чвэрцьфінал выйдуць па дзве лепшыя каманды з чатырох квартэтаў. Фінішуе чэмпіянат свету 1 снежня.-0-

Навіны рубрыкі Спорт
Фота ФХБ Юніёрская зборная Беларусі па хакеі атрымала другую перамогу на міжнародным турніры ў Латвіі
13 Снежань, 20:00
Праект "300 талентаў для каралевы" дапамагае далучыць дзяцей да заняткаў спортам - Кавальчук
12 Снежань, 18:29
Тры беларускія футбольныя арбітры сталі суддзямі міжнароднай катэгорыі
12 Снежань, 14:19
Фота з архіва ВК "Шахцёр" Валейбалісты "Шахцёра" выйгралі ў "Юнайтэд Волейс" у першай сустрэчы 1/16 фіналу Кубка ЕКВ
12 Снежань, 12:22
Зборная Беларусі згуляе з камандай Нарвегіі ў 3-і гульнявы дзень маладзёжнага ЧС па хакеі
12 Снежань, 11:20
Хакеісты зборнай Беларусі ў авертайме ўступілі Латвіі ў другім туры маладзёжнага ЧС
11 Снежань, 11:30
Зборная Беларусі згуляе з камандай Латвіі ў 2-і дзень маладзёжнага ЧС па хакеі
10 Снежань, 16:20
Футбалісты "Зеніта" згуляюць з "Бенфікай" на фінішы групавога этапу Лігі чэмпіёнаў
10 Снежань, 12:20
Вызначаны склад зборнай Беларусі па біятлоне на другія ў сезоне этапы Кубка свету і Кубка IBU
10 Снежань, 11:27
Поўная версія