Поўная версія

Сабаленка засталася на 13-м месцы, Азаранка апусцілася на адзін радок у рэйтынгу WTA

Спорт 09.09.2019 | 15:01
Арына Сабаленка. Фота Jimmie48 Tennis Photography
Арына Сабаленка. Фота Jimmie48 Tennis Photography

9 верасня, Мінск /Кар. БЕЛТА/. Беларуска Арына Сабаленка пасля фінішу адкрытага чэмпіянату ЗША захавала 13-е месца ў рэйтынгу Жаночай тэніснай асацыяцыі (WTA), паведамляе карэспандэнт БЕЛТА.

Цяпер у актыве першай ракеткі Беларусі 2785 ачкоў. На праведзеным учора US Open Арына Сабаленка разам з бельгійкай Элізэ Мертэнс выйграла парны разрад, перамогшы ў фінале беларуска-аўстралійскі дуэт Вікторыя Азаранка / Эшлі Барці. Вікторыя Азаранка апусцілася на адну пазіцыю і займае цяпер 42-е месца, маючы 1215 балаў. Аляксандра Сасновіч знаходзіцца на 47-й пазіцыі (1071), Вера Лапко, якая ўжо завяршыла сезон, на 167-м месцы (368).

Топ-10 сённяшняга рэйтынгу WTA:

1. Эшлі Барці (Аўстралія) - 6501 ачко,

2. Караліна Плішкава (Чэхія) - 6125,

3. Эліна Світоліна (Украіна) - 5032,

4. Наомі Осака (Японія) - 4846,

5. Б'янка Андрэеску (Канада) - 4835,

6. Сімона Халеп (Румынія) - 4803,

7. Петра Квітава (Чэхія) - 4326,

8. Кікі Бертэнс (Нідэрланды) - 4325,

9. Серэна Уільямс (ЗША) - 3935,

10. Белінда Бенчыч (Швейцарыя) - 3738.

У рэйтынгу Асацыяцыі тэнісістаў-прафесіяналаў (АТР) серб Новак Джокавіч па-ранейшаму на першым радку, пераможца US Open іспанец Рафаэль Надаль застаўся на другой пазіцыі, швейцарац Роджэр Федэрэр захаваў за сабой трэцяе месца.

Топ-10 рэйтынгу АТР:

1. Новак Джокавіч (Сербія) - 9865,

2. Рафаэль Надаль (Іспанія) - 9225,

3. Роджэр Федэрэр (Швейцарыя) - 7130,

4. Данііл Мядзведзеў (Расія) - 5235,

5. Дамінік Цім (Аўстрыя) - 4575,

6. Аляксандр Звераў (Германія) - 4095,

7. Стэфанас Цыцыпас (Грэцыя) - 3420,

8. Кеі Нісікоры (Японія) - 3375,

9. Карэн Хачанаў (Расія) - 2810,

10. Раберта Баўціста Агут (Іспанія) - 2575.

Лепшы з беларускіх тэнісістаў Ягор Герасімаў, які прабіўся ў другі круг адкрытага чэмпіянату ЗША, падняўся на 10 пазіцый і займае 119-е месца (406). Ілья Івашка знаходзіцца на 135-м радку (376), ва Уладзіміра Ігнаціка 297-е месца (268). У канцы гэтага тыдня, 13-14 верасня, тэнісісты зборнай Беларусі правядуць у Мінску матч кваліфікацыі Кубка Дэвіса з камандай Партугаліі.-0-

Навіны рубрыкі Спорт
Янез Качыянчыч. Фота з архіва Прэзідэнт ЕАК: мы можам ганарыцца правядзеннем II Еўрапейскіх гульняў у Мінску
Учора 11:43
Мінскае "Дынама" пацярпела 5-е запар паражэнне ў чэмпіянаце КХЛ, разгромна ўступіўшы "Тарпеда" ў дамашнім матчы
Учора 11:19
Беларус Яўген Каралёк заняў 4-е месца ў скрэтчы на ЧЕ па велатрэку
Учора 10:51
Фота афіцыйнага сайта "Барселоны" Футбалісткі "Мінска" на выездзе прайгралі "Барселоне" з лікам 0:5 у першым матчы 1/8 фіналу ЛЧ
Учора 09:44
Беларусы занялі 9-е месца ў мужчынскім камандным спрынце на ЧЕ па велатрэку
17 Кастрычнік, 19:26
Расійская біятланістка Адэліна Сабітава будзе выступаць за зборную Беларусі
17 Кастрычнік, 18:15
Фота з архіва ХК "Дынама-Мінск" правядзе дамашні матч чэмпіянату КХЛ супраць ніжагародскага "Тарпеда"
17 Кастрычнік, 11:43
Беларусь і Абу-Дабі плануюць рэалізаваць сумесныя баскетбольныя праекты
17 Кастрычнік, 10:44
БГК імя Мяшкова абыграў "Машэку" ў дамашнім матчы чэмпіянату Беларусі
17 Кастрычнік, 10:18
Поўная версія