Поўная версія

Міжнародны турнір па боксе памяці Віктара Лівенцава стартуе ў Мінску

Спорт 12.11.2019 | 10:25
У час турніру. Фота з архіва
У час турніру. Фота з архіва

12 лістапада, Мінск /Кар. БЕЛТА/. Міжнародны турнір па боксе памяці Героя Савецкага Саюза Віктара Лівенцава стартуе сёння ў мінскім Палацы спорту, паведамляе карэспандэнт БЕЛТА.

Цырымонія адкрыцця адбудзецца ў 18.00. Арганізатары спаборніцтваў прадставілі спецыяльны прыз "За волю да перамогі", які будзе ўручаны сям'ёй Віктара Лівенцава.

Як адзначыў карэспандэнту БЕЛТА старшы трэнер па развіцці бокса Міністэрства спорту і турызму Аляксандр Ермашэвіч, у складзе нацыянальнай зборнай выступяць першыя нумары сваіх вагавых катэгорый Дзмітрый Дзяшкевіч (вагавая катэгорыя 57 кг), Мікалай Шах (57 кг), Аляксандр Радзівонаў (69 кг), Віталь Бандарэнка (75 кг), Глеб Сінькевіч (81 кг), Уладзіслаў Смяглікаў (91 кг), Юлія Апанасовіч (51 кг), Яна Бурым (51 кг), Ала Яршэвіч (60 кг) і Дар'я Асмалоўская (69 кг).

У спаборніцтвах будуць удзельнічаць 140 спартсменаў з Англіі, Арменіі, Беларусі, Ганы, Грэцыі, Ізраіля, Індыі, Іспаніі, Кыргызстана, Малдовы, Расіі, Таджыкістана, Тайланда, Украіны, Францыі і Шатландыі.

Завершацца спаборніцтвы 16 лістапада.

Арганізатары спаборніцтваў - Міністэрства спорту і турызму Беларусі, Мінгарвыканкам, Нацыянальны алімпійскі камітэт, Беларуская федэрацыя бокса.

Турнір памяці Віктара Лівенцава стаў пераемнікам традыцыйных спаборніцтваў на прызы мінскага Палаца спорту. Дзевяць турніраў прайшлі яшчэ пры жыцці Віктара Лівенцава, у 2009 годзе іх было вырашана назваць у памяць пра вядомага спартыўнага функцыянера часоў БССР. Віктар Лівенцаў з 1958 па 1978 год быў старшынёй Дзяржкамітэта па фізічнай культуры і спорце БССР. За гэтыя два дзясяткі гадоў у рэспубліцы з'явіліся буйнейшыя спартыўныя збудаванні і комплексы, якія і сёння з'яўляюцца асноўнымі базамі алімпійскай падрыхтоўкі беларускіх спартсменаў: "Стайкі", "Раўбічы", мінскі воднаспартыўны комплекс (цяпер САК "Алімпійскі"), коннаспартыўная база ў Ратамцы.-0-

Навіны рубрыкі Спорт
Фота ФХБ Юніёрская зборная Беларусі па хакеі атрымала другую перамогу на міжнародным турніры ў Латвіі
13 Снежань, 20:00
Праект "300 талентаў для каралевы" дапамагае далучыць дзяцей да заняткаў спортам - Кавальчук
12 Снежань, 18:29
Тры беларускія футбольныя арбітры сталі суддзямі міжнароднай катэгорыі
12 Снежань, 14:19
Фота з архіва ВК "Шахцёр" Валейбалісты "Шахцёра" выйгралі ў "Юнайтэд Волейс" у першай сустрэчы 1/16 фіналу Кубка ЕКВ
12 Снежань, 12:22
Зборная Беларусі згуляе з камандай Нарвегіі ў 3-і гульнявы дзень маладзёжнага ЧС па хакеі
12 Снежань, 11:20
Хакеісты зборнай Беларусі ў авертайме ўступілі Латвіі ў другім туры маладзёжнага ЧС
11 Снежань, 11:30
Зборная Беларусі згуляе з камандай Латвіі ў 2-і дзень маладзёжнага ЧС па хакеі
10 Снежань, 16:20
Футбалісты "Зеніта" згуляюць з "Бенфікай" на фінішы групавога этапу Лігі чэмпіёнаў
10 Снежань, 12:20
Вызначаны склад зборнай Беларусі па біятлоне на другія ў сезоне этапы Кубка свету і Кубка IBU
10 Снежань, 11:27
Поўная версія