Поўная версія

Марына Літвінчук выступіць сцяганосцам зборнай Беларусі на закрыцці II Еўрапейскіх гульняў

Спорт 29.06.2019 | 21:00
Марына Літвінчук
Марына Літвінчук

29 чэрвеня, Мінск /Кар. БЕЛТА/. Уладальніца двух залатых медалёў у веславанні на байдарцы на II Еўрапейскіх гульнях Марына Літвінчук выступіць сцяганосцам зборнай Беларусі на цырымоніі закрыцця спартыўнага форуму, паведамілі БЕЛТА ў прэс-службе НАК.

Спартсменка, акрамя дзвюх залатых узнагарод, заваявала на вяслярным канале ў Заслаўі сярэбраны і бронзавыя медалі, стаўшы адной з самых тытулаваных у камандзе. Як паведамлялася, сцяганосцам на цырымоніі адкрыцця Еўрапейскіх гульняў 21 чэрвеня ў беларускай камандзе выступіў Уладзімір Самсонаў.

Цырымонія закрыцця II Еўрапейскіх гульняў пачнецца на стадыёне "Дынама" 30 чэрвеня ў 22.00.

Арганізатары шоу абяцаюць здзівіць гледачоў грандыёзным паказам з выкарыстаннем найноўшых тэхнічных сродкаў і IT-рашэнняў. Асаблівая ўвага будзе ўдзелена ўшаноўванню спартсменаў і валанцёраў.-0-

Навіны рубрыкі Спорт
Поўная версія