Поўная версія

Футбалісты "Славіі" атрымалі валявую перамогу над "Гомелем" у апошнім матчы 27-га тура чэмпіянату Беларусі

Спорт 05.11.2019 | 10:45
Фота ФК "Славія"
Фота ФК "Славія"

5 лістапада, Мінск /Кар. БЕЛТА/. Футбалісты мазырскай "Славіі" атрымалі валявую вікторыю над "Гомелем" у апошнім матчы 27-га тура чэмпіянату Беларусі, паведамляе карэспандэнт БЕЛТА.

Пасля першага тайма сустрэчы ў Мазыры гамяльчане выйгравалі 2:0, дзякуючы галявому дублю Руслана Болава, які вызначыўся на 16-й і 22-й хвілінах матчу. У другой палавіне карціна гульні рэзка змянілася, і гаспадары забілі тры галы запар. На 66-й хвіліне мяч у свае вароты адправіў абаронца гасцей Андрэй Іваноў, праз 10 хвілін Максім Слюсар зраўнаваў лік, а на 85-й хвіліне сустрэчы Юрый Недашкоўскі прынёс "Славіі" перамогу - 3:2. Дзякуючы гэтаму поспеху, мазырчане набралі 31 бал і ўзняліся на 10-е месца, у футбалістаў "Гомеля" засталося 20 балаў і перадапошняя, 15-я, пазіцыя ў турнірнай табліцы.

Рэзультаты астатніх сустрэч 27-га тура: "Дынама" (Брэст) - "Шахцёр" (Салігорск) - 1:1, БАТЭ (Барысаў) - "Іслач" (Мінскі раён) - 2:4, "Тарпеда-БелАЗ" (Жодзіна) - "Дынама" (Мінск) - 4:0, "Дняпро" (Магілёў) - "Віцебск" - 2:0, "Мінск" - "Слуцк" - 1:0, "Гарадзея" - "Нёман" (Гродна) - 1:0.

Становішча ў групе лідараў: "Дынама" (Брэст) - 68 ачкоў, БАТЭ - 61, "Шахцёр" - 59, "Дынама" (Мінск) - 47, "Іслач" - 45, "Тарпеда-БелАЗ" - 45.

Спіс лепшых бамбардзіраў узначальвае Ілья Шкурын ("Энергетык-БДУ"), які забіў 17 мячоў.

У наступным туры сустракаюцца:

8 лістапада

"Дынама" (Мінск) - "Дняпро";

9 лістапада

"Шахцёр" - "Славія", "Слуцк" - "Гарадзея", "Гомель" - "Мінск";

10 лістапада

"Віцебск" - БАТЭ, "Іслач" - "Дынама" (Брэст), "Энергетык-БДУ" - "Тарпеда-БелАЗ".-0-

Навіны рубрыкі Спорт
Поўная версія