Поўная версія

Беларускія цяжкаатлеты заваявалі восем медалёў на турніры алімпійскай кваліфікацыі ў Гродне

Спорт 05.11.2019 | 16:12

5 лістапада, Мінск /Кар. БЕЛТА/. Беларускія спартсмены заваявалі восем медалёў на міжнародным турніры алімпійскай кваліфікацыі па цяжкай атлетыцы Alexander cup 2019, прысвечаным памяці двухразовага алімпійскага чэмпіёна Аляксандра Курловіча, які завяршыўся ў Гродне, паведамілі карэспандэнту БЕЛТА прадстаўнікі нацыянальнай каманды Беларусі па цяжкай атлетыцы.

На вышэйшую прыступку п'едэстала гонару ў суме дваябор'я (рывок і штуршок) падняліся беларусы Дзіна Сазанавец (вагавая катэгорыя 81 кг) і Максім Мудрэўскі (89 кг).

Сярэбранымі прызёрамі прэстыжнага турніру сталі Дар'я Навумава (76 кг), Генадзь Лапцеў (67 кг), Вадзім Ліхарад (73 кг). Бронзавыя ўзнагароды заваявалі іх партнёры па камандзе Юлія Асаёнак (49 кг), Пётр Асаёнак (81 кг) і Яўген Ціханцоў (96 кг).

У камандным заліку ў мужчын на першай пазіцыі размясцілася Беларусь, другое месца заняла каманда Кітая. Замкнулі тройку лідараў армянскія атлеты. Сярод дзяўчат лепшымі аказаліся кітайскія спартсменкі. Беларуская зборная размясцілася на другой пазіцыі, на трэцяй - расійская каманда.

За ўзнагароды змагаліся больш як 60 спартсменаў з Азербайджана, Албаніі, Арменіі, Беларусі, Грузіі, Ізраіля, Італіі, Казахстана, Кыргызстана, Кітая, Малдовы, Польшчы, Расіі, Румыніі, Славакіі, Узбекістана, Украіны і Уругвая.

Alexander cup 2019 - гэта ліцэнзійны турнір сярэбранага ўзроўню. Удзел у такіх стартах абавязковы для спартсменаў, якія прэтэндуюць на выступленне ў Токіа-2020. Папярэднім кваліфікацыйным спаборніцтвам для беларускіх цяжкаатлетаў быў кастрычніцкі "Кубак Міжземнамор'я" ў Сан-Марына, па выніках якога беларусы выйгралі сем узнагарод рознай вартасці.-0-

Навіны рубрыкі Спорт
Фота   EPA  Грэк Цыцыпас атрымаў другую перамогу на падагульняючым турніры АТР
Учора 16:00
Мінскае "Дынама" перамагло падольскі "Віцязь" у дамашнім матчы чэмпіянату КХЛ
Учора 11:46
Вінус і Класэн атрымалі дзве перамогі ў парным разрадзе падагульняючага турніру АТР
13 Лістапад, 16:11
Сяргей Кавальчук Беларускія спартсмены на Алімпіядзе ў Токіа могуць заваяваць каля 100 ліцэнзій
13 Лістапад, 14:13
Зборная Беларусі па пляжным футболе перад ЧС правядзе два спарынгі ў Бразіліі
12 Лістапад, 16:19
Хакеісты "Юнацтва" правядуць дамашні матч 1/8 фіналу Лігі чэмпіёнаў супраць "Рэд Бул Мюнхен"
12 Лістапад, 10:26
У час турніру. Фота з архіва Міжнародны турнір па боксе памяці Віктара Лівенцава стартуе ў Мінску
12 Лістапад, 10:25
Рафаэль Надаль прайграў Аляксандру Звераву на падагульняючым турніры АТР
12 Лістапад, 09:49
Беларускія футбалісты ўступілі па пенальці Венгрыі і занялі 3-е месца на юнацкім турніры ў Мінску
11 Лістапад, 20:11
Поўная версія