Поўная версія

Беларускія баскетбалісткі занялі 15-е месца на маладзёжным ЧЕ

Спорт 12.08.2019 | 10:00
У час матчу Беларусь - Германія. Фота ФІБА
У час матчу Беларусь - Германія. Фота ФІБА

12 жніўня, Мінск /Кар. БЕЛТА/. Беларускія баскетбалісткі занялі 15-е месца на маладзёжным чэмпіянаце Еўропы (U-20), які завяршыўся ў Чэхіі, паведамляе карэспандэнт БЕЛТА.

У сваім заключным паядынку беларускі разграмілі равесніц з Германіі, якія таксама пакідаюць элітны дывізіён, з лікам 65:45.

Трэцім няўдачнікам стала каманда Партугаліі, якая ўступіла баскетбалісткам Нідэрландаў у гульні за 13-е падагульняючае месца - 56:60.

Пераможцай жаночага маладзёжнага Еўрабаскета стала зборная Італіі, якая абыграла ў паядынку за золата саперніц з Расіі з лікам 70:67.

У матчы за бронзавыя медалі францужанкі разграмілі бельгіек - 50:34.

Баскетбалісты юнацкай зборнай Беларусі (U-16) у чарнагорскай Падгорыцы правядуць сёння чацвёрты матч у групавым турніры дывізіёна ў першынстве Еўропы. Сапернікам падапечных Мікалая Аляксеева будзе каманда Украіны. Да гэтага беларусы пацярпелі 3 паражэнні ў папярэдняй групе С: ад Чарнагорыі - 51:71, Даніі - 77:83 і Ісландыі - 69:76.

Турнірнае становішча пасля трох тураў: Данія - 6 ачкоў, Чарнагорыя - 6, Ісландыя - 5, Украіна - 4, Швейцарыя - 3, Беларусь - 3.-0-

Фота ФІБА

Навіны рубрыкі Спорт
Поўная версія