ДЗЯРЖОРГАНЫДЗЯРЖОРГАНЫ
Флаг Серада, 1 снежня 2021
Мінск Суцэльная воблачнасць -5°C
Усе навіны
Усе навіны
Спорт
25 кастрычніка 2021, 19:18

Беларускія баксёры выйгралі тры ўзнагароды на маладзёжным ЧЕ-2021 у Чарнагорыі

Фота jn.com
Фота jn.com

25 кастрычніка, Мінск /Кар. БЕЛТА/. Беларускія баксёры выйгралі тры ўзнагароды рознай вартасці на маладзёжным чэмпіянаце Еўропы (U-18) у Будве (Чарнагорыя), паведамляе карэспандэнт БЕЛТА.

Найлепшым чынам кантынентальны форум у балканскай краіне склаўся для Мацвея Давыдава (63,5 кг), які стаў уладальнікам сярэбранай узнагароды. У стартавым баі ён перамог Самуэля Корчака з Чэхіі - 5:0. Затым перамог прадстаўніка Балгарыі - 3:2 і малдаўскага "файтара" Штэфана Вазнякоўскага - 4:1. На жаль, у фінале мацнейшым за беларуса аказаўся грузінскі атлет Лаша Гагнідзэ.

Яшчэ двума медалямі скарбонку ўзнагарод зборнай Беларусі папоўнілі Андрэй Масалаў (86 кг) і Мікіта Нагорны (92 кг). Абодва спартсмены без паражэнняў дайшлі да паўфінальнай стадыі турніру, уступіўшы сваім апанентам, і згодна з рэгламентам спаборніцтваў сталі бронзавымі медалістамі.

Андрэй Масалаў быў вымушаны прызнаць перавагу армяніна Хенрыка Чэгрыкяна, які ў выніку стаў пераможцам спаборніцтваў. Мікіта Нагорны спатыкнуўся ў паядынку з прадстаўніком Ізраіля Манучарам Крыгелі.

За ўзнагароды маладзёжнага чэмпіянату Еўропы па боксе (U-18) у Будве (Чарнагорыя) змагаліся 223 спартсмены і 101 спартсменка з 38 краін кантынента.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі