ДЗЯРЖОРГАНЫДЗЯРЖОРГАНЫ
Флаг Чацвер, 6 кастрычніка 2022
Мінск 0°C
Усе навіны
Усе навіны
Спорт
15 жніўня 2022, 15:21

Беларускі спецыяліст Віктар Ганчарэнка вярнуўся ў ФК "Урал"

Фота з архіва
Фота з архіва

15 жніўня, Мінск /Кар. БЕЛТА/. Вядомы беларускі спецыяліст Віктар Ганчарэнка зноў стаў галоўным трэнерам футбалістаў "Урала" з Екацярынбурга, паведамляе карэспандэнт БЕЛТА.

Першы раз Ганчарэнка ўзначальваў уральцаў у 2015 годзе. Трэнерскую кар'еру Віктар Ганчарэнка, якому цяпер 45 гадоў, пачаў у барысаўскім БАТЭ і 6 разоў станавіўся чэмпіёнам Беларусі. Пад яго кіраўніцтвам барысаўчане тройчы выходзілі ў групавы этап Лігі чэмпіёнаў. Таксама ён працаваў у маскоўскім ЦСКА, які пад яго кіраўніцтвам двойчы выйграваў серабро расійскага першынства. Акрамя таго, ён узначальваў краснадарскую "Кубань", "Уфу" і "Краснадар".

На старце новага сезона футбалісты "Урала", якіх трэніраваў Ігар Шалімаў, пацярпелі 4 паражэнні і толькі адзін раз згулялі ўнічыю. З адным набраным балам і розніцай мячоў 1-10 яны займаюць 16-е, апошняе месца ў турнірнай табліцы расійскай прэм'ер-лігі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі