Поўная версія

Беларуска Настасся Шкурдай выйшла ў фінал юніёрскага ЧС па плаванні на 50 м батэрфляем

Спорт 23.08.2019 | 09:00
Настасся Шкурдай. Фота з архіва
Настасся Шкурдай. Фота з архіва

23 жніўня, Мінск /Аляксандр Жыбуль - БЕЛТА/. Беларуская плыўчыха Настасся Шкурдай выйшла ў фінал чэмпіянату свету сярод юніёраў, які праходзіць у Будапешце (Венгрыя), на дыстанцыі 50 м батэрфляем, паведамляе карэспандэнт БЕЛТА.

Беларуска паказала першы рэзультат, пераадолеўшы дыстанцыю за 25,85 сек. Другой дакранулась да борціка басейна спартсменка з ЗША Клэр Курзан (26,07 сек), трэцяй фінішавала яе партнёрка па камандзе Торы Хуске (26,24 сек).

Фінальныя заплывы на дыстанцыі 50 м батэрфляем, куды трапілі восем мацнейшых плыўчых па выніках кваліфікацый, пройдуць сёння.

Завершыцца юніёрскі сусветны форум па плаванні 25 жніўня.-0-

Навіны рубрыкі Спорт
Поўная версія