Поўная версія

Журналіст БЕЛТА ўзнагароджаны медалём за ўклад у развіццё Еўразійскага эканамічнага саюза

Грамадства 12.07.2019 | 15:43
Эдуард Півавар і Тыгран Саркісян. Фота ЕЭК
Эдуард Півавар і Тыгран Саркісян. Фота ЕЭК

12 ліпеня, Масква /Кар. БЕЛТА/. Уласны карэспандэнт Беларускага тэлеграфнага агенцтва Эдуард Півавар удастоены медаля "За ўклад у развіццё Еўразійскага эканамічнага саюза". Цырымонія ўзнагароджання адбылася сёння ў Еўразійскай эканамічнай камісіі.

Уручаючы медаль, старшыня Калегіі ЕЭК Тыгран Саркісян адзначыў актыўнасць БЕЛТА ў асвятленні працэсаў еўразійскай інтэграцыі. Ён выказаў упэўненасць, што і ў далейшым агенцтва ў сваіх публікацыях будзе ўдзяляць значную ўвагу як дасягненням ЕАЭС, так і праблемам, што стаяць перад саюзам.

Медаль "За ўклад у развіццё Еўразійскага эканамічнага саюза" быў заснаваны да 5-годдзя падпісання Дагавора аб ЕАЭС. Рашэнне Вышэйшага еўразійскага савета аб узнагароджанні медалём падпісана прэзідэнтамі пяці дзяржаў - членаў ЕАЭС.-0-

Навіны рубрыкі Грамадства
Поўная версія