ДЗЯРЖОРГАНЫДЗЯРЖОРГАНЫ
Флаг Аўторак, 24 мая 2022
Мінск Ясна +18°C
Усе навіны
Усе навіны
Грамадства
20 студзеня 2022, 15:12

Захваральнасць на грып і ВРІ ў Беларусі вышэйшая за мінулагодні паказчык на 9,6 працэнта

Фота з архіва
Фота з архіва

20 студзеня, Мінск /Кар. БЕЛТА/. Захваральнасць на грып і ВРІ ў Беларусі вышэйшая за мінулагодні паказчык на 9,6 працэнта, паведамляе БЕЛТА са спасылкай на прэс-службу Міністэрства аховы здароўя.

"Вынікі дазорнага эпідэміялагічнага сачэння за ВРІ і грыпам дэманструюць пачатак прыросту захваральнасці на 2-м каляндарным тыдні (10-16 студзеня). Па краіне паказчык захваральнасці павялічыўся на 3,7 працэнта і быў вышэйшы за мінулагодні паказчык на 9,6 працэнта", - адзначылі ў прэс-службе.

Вынікі малекулярна-біялагічных даследаванняў сведчаць аб цыркуляцыі вірусаў грыпу A(H3N2), A(H1N1), грыпу В, рэспіраторных вірусаў негрыпознай этыялогіі: парагрыпу, адэнавіруса, РС-вірусаў, рынавіруса. Гэты эпідсезон адрозніваецца ад папярэдняга актыўнай цыркуляцыяй вірусаў грыпу, пераважна грыпу A(H3N2), лабараторнае выяўленне якіх пачалося з апошняй дэкады лістапада 2021 года, дадалі ў Міністэрстве аховы здароўя.

Такім чынам можна гаварыць, што адзначаецца, як і ва ўсім Еўрапейскім рэгіёне, сумесная цыркуляцыя пандэмічнага віруса SARS-CoV-2, вірусаў сезоннага грыпу, іншых рэспіраторных вірусаў.

Эпідэміялагічная сітуацыя па захваральнасці на вострыя рэспіраторныя інфекцыі, грып і COVID-19 знаходзіцца на пастаянным кантролі Міністэрства аховы здароўя.

У цэлым па краіне прышчэплена супраць грыпу больш за 40 працэнтаў ад агульнай колькасці насельніцтва. Вакцынацыю прайшлі 75,7 працэнта насельніцтва, якое належыць да групы высокай рызыкі неспрыяльных наступстваў захворвання на грып. Гэта дзеці ва ўзросце ад 6 месяцаў да 3 гадоў, дзеці ад 3 гадоў і дарослыя з хранічнымі захворваннямі і імунадэфіцытнымі станамі, людзі ва ўзросце старэйшым за 65 гадоў, цяжарныя жанчыны. Прышчэплена 57 працэнтаў насельніцтва, якое належыць да групы высокай рызыкі заражэння грыпам, а таксама больш за 50 працэнтаў дзяцей 3-6 гадоў і навучэнцаў устаноў агульнай сярэдняй адукацыі, 63,7 працэнта навучэнцаў устаноў сярэдняй спецыяльнай і вышэйшай адукацыі. Прышчэпкі атрымалі больш за 40 працэнтаў людзей з ліку прафесійных груп высокай рызыкі інфіцыравання і распаўсюджвання грыпу.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі