Поўная версія

Вучэнне па рэагаванні на радыяцыйныя аварыі пройдзе ў Астравецкім раёне

Грамадства 11.10.2019 | 10:39

11 кастрычніка, Мінск /Кар. БЕЛТА/. Дэманстрацыйнае вучэнне па рэагаванні на радыяцыйныя аварыі з задзейнічаннем сістэмы апавяшчэння пройдзе сёння ў Астравецкім раёне, паведамілі БЕЛТА ў МНС.

Беларускія ведамствы маюць намер удасканаліць зладжанасць і аператыўнасць дзеянняў пры ўзнікненні НС, выпрацаваць кіраўніцкія рашэнні і адтрэніраваць інфармацыйнае ўзаемадзеянне. "Каб не ствараць нязручнасцей грамадзянам, адпрацоўка эвакуацыі пройдзе з прыцягненнем статыстаў. Напярэдадні ратавальнікі адрасна праінфармавалі ўсіх жыхароў вёсак - 183 чалавекі ў васьмі населеных пунктах", - расказалі ў МНС.

Персанал АЭС прадэманструе дзеянні па лакалізацыі і ліквідацыі аварый на рэактарным абсталяванні, эвакуацыю і ўкрыцце ў ахоўных збудаваннях, функцыянаванне крызіснага цэнтра і інфармацыйнае ўзаемадзеянне. Падраздзяленні МНС ліквідуюць пажар склада дызельнага паліва ва ўмовах аварыйнай абстаноўкі.

"На выездзе з в.Баброўнікі для рэгістрацыі грамадзян і выдачы адпаведных пасведчанняў будзе арганізаваны зборны эвакуацыйны пункт. У медпункце забяспечаць сродкамі абароны, правядуць ёдную прафілактыку. Для выезду з ўмоўна брудных зон у чыстыя прадугледжаны кантрольна-размеркавальныя пункты. Ахову грамадскага парадку забяспечаць работнікі РАУС. У пункце часовага рассялення на базе мясцовай гімназіі арганізуюць выдачу адзення, харчавання, будуць аказваць медыцынскую і псіхалагічную дапамогу", - праінфармавалі ў МНС.

Плануецца задзейнічаць звыш 270 чалавек і больш за 40 адзінак тэхнікі, уключаючы сілы і сродкі МНС, МУС, Мінабароны, Дзяржпагранкамітэта, Міністэрства аховы здароўя, а таксама падраздзяленняў дзяржкарпарацыі "Расатам".

Праводзячы вучэнне, Беларусь дзейнічае ў строгай адпаведнасці з рэкамендацыямі Міжнароднага агенцтва па атамнай энергіі і зыходзіць з безумоўнай прыярытэтнасці гарантавання бяспекі пры рэалізацыі нацыянальнай ядзернай энергетычнай праграмы.-0-

Навіны рубрыкі Грамадства
Зубры ў Белавежскай пушчы. Фота з архіва Белавежская пушча ўвайшла ў топ мясцін для падарожжаў у 2020 годзе ад National Geographic
Учора 19:55
Каштоўнасць жыцця павінна быць прыярытэтам і наймальнікаў, і работнікаў - дзяржінспекцыя працы
Учора 17:56
КДК арганізаваў гарачыя лініі па пытаннях бяспечнага знаходжання дзяцей у школах
Учора 15:01
Фота з архіва Прэс-канферэнцыя аб заканадаўстве ў сферы будаўнічай дзейнасці пройдзе ў БЕЛТА 21 лістапада
Учора 13:35
Нацкамісія па правах дзіцяці будзе практыкаваць выезды на месцы для вырашэння праблемных пытанняў
Учора 13:20
Моцны вецер і мінусавая тэмпература чакаюцца ў Беларусі ў бліжэйшыя дні
Учора 13:12
СК Беларусі і American Express будуць абменьвацца данымі аб кіберзлачынствах
Учора 12:49
Імёны амаль 620 чалавек знаходзяцца ў банку даных таленавітай моладзі Беларусі
Учора 10:01
Марзалюк аб сюжэце "Еўраньюс": няправільна выкарыстоўваць эпатажныя, беспадстаўныя заявы
19 Лістапад, 16:59
Поўная версія