Поўная версія

Уступная кампанія ў Беларусі праходзіць спакойна - Карпенка

Грамадства 21.06.2019 | 20:00

21 чэрвеня, Мінск /Кар. БЕЛТА/. Уступная кампанія ў Беларусі праходзіць спакойна, падстаў для сенсацый няма. Аб гэтым сёння журналістам заявіў міністр адукацыі Ігар Карпенка, перадае карэспандэнт БЕЛТА.

Сур'ёзных выпадкаў, парушэнняў нарматыўнай прававой заканадаўчай базы пры правядзенні ўступнай кампаніі да гэтага часу не выяўлена. "Думаю, і не будзе, таму што сістэма ўжо наладжана. Да яе адаптаваны ўсе адукацыйныя структуры і дзяржорганы, якія кантралююць ход уступнай кампаніі, самі абітурыенты і бацькі, - сказаў міністр. - Ніякіх падстаў для сенсацый мы сёння тут не знойдзем".

Пытанні ў час уступнай кампаніі ўзнікаюць, але яны маюць прыватны характар. Паводле даных міністра, восем чалавек папрасілі пакінуць пункты правядзення ЦТ за выкарыстанне мабільных тэлефонаў. Некалькім абітурыентам у час экзамену стала дрэнна і ім па медыцынскіх паказаннях дазволілі прайсці ЦТ у рэзервовыя дні.

Міністр расказаў, што ў Дзяржаўную камісію па кантролі за ўступнай кампаніяй звярталіся абітурыенты, якія зарэгістраваліся на ЦТ, але не паспелі ўнесці аплату. Яны прасілі дазволіць ім прайсці ЦТ. Дзяржкамісія прыняла рашэнне на іх карысць.

Цэнтралізаванае тэсціраванне ў Беларусі пачалося 11 чэрвеня. На яго зарэгістраваліся 76 тыс. 888 чалавек. Яны будуць здаваць 258,3 тыс. тэстаў па вучэбных прадметах.

Зарэгістравацца для праходжання ЦТ у рэзервовыя дні (6, 8, 10 ліпеня) можна будзе з 30 чэрвеня па 2 ліпеня ў БДУ. Тут жа пройдзе тэсціраванне.-0-

Навіны рубрыкі Грамадства
Фота з архіва ЦВК: яўка выбаршчыкаў на датэрміновым галасаванні ў гэтым годзе вышэйшая, чым на парламенцкіх выбарах-2016
Учора 19:29
Беларусь займае 2-е месца сярод краін СНД па колькасці студэнтаў
Учора 18:45
Беларусь і Кітай да 2021 года плануюць рэалізаваць 35 сумесных навукова-тэхнічных праектаў
Учора 16:26
Міхаіл Русы ў час прыёму грамадзян Русы: на месцах з грамадзянамі трэба працаваць асабіста, а не перадаваць дакументы з кабінета ў кабінет
Учора 15:47
ФПБ з 15 лістапада будзе маніторыць выкананне тэмпературнага рэжыму на прадпрыемствах
Учора 14:41
Беларусь ініцыюе змяненне дагавора з Расіяй аб узаемных намаганнях у ахове граніцы
Учора 14:30
Фота з архіва Цёплае і пераважна без ападкаў надвор'е захаваецца ў Беларусі да пачатку наступнага тыдня
Учора 12:10
Зась: набыццё знішчальнікаў Су-30СМ паклала пачатак паэтапнаму пераўзбраенню ВПС Беларусі
Учора 10:10
Кіраўнікі дзяржорганаў у лістападзе правядуць выязныя прыёмы грамадзян
13 Лістапад, 19:55
Поўная версія