Поўная версія

У ВНУ Беларусі на палавіне спецыяльнасцей плануецца ўвесці навучанне на англійскай мове

Грамадства 21.06.2019 | 18:25

21 чэрвеня, Мінск /Кар. БЕЛТА/. Каля палавіны спецыяльнасцей у беларускіх ВНУ ў перспектыве можна будзе атрымліваць на англійскай мове. Аб гэтым паведаміў сёння журналістам міністр адукацыі Ігар Карпенка, перадае карэспандэнт БЕЛТА.

Паводле слоў міністра, у Беларусі паставілі перад сабой амбіцыйную мэту - пачаць падрыхтоўку на англійскай мове па 50 працэнтах спецыяльнасцей вышэйшай школы. "Іх каля 300, недзе на 150 мы ў перспектыве павінны выйсці", - адзначыў ён.

Называць канкрэтных тэрмінаў Ігар Карпенка не стаў, нагадаўшы, што ў Беларусі прыняты канцэптуальныя падыходы да развіцця сістэмы адукацыі да 2020 года і на перспектыву да 2030 года. "Гэтых арыенціраў плануецца прытрымлівацца", - сказаў ён. Наперадзе сур'ёзная работа - перакласці падручнікі, падрыхтаваць кадры і гэтак далей. Навучанне педагогаў вядзецца ўжо ў Рэспубліканскім інстытуце вышэйшай школы разам з МДЛУ.

Цяпер у Беларусі вучацца каля 25 тыс. замежных студэнтаў са 109 краін свету.

У дзень адкрыцця II Еўрапейскіх гульняў у Мінску сабраліся кіраўнікі адукацыйных ведамстваў дзяржаў СНД. На міжнародным семінары яны абмеркавалі перспектывы прафесійнай адукацыі ва ўмовах змены тэхналагічных укладаў. Беларускі вопыт у гэтай сферы яны вывучылі на прыкладзе Мінскага дзяржаўнага аўтамеханічнага каледжа імя акадэміка М.С.Высоцкага. Тут яны азнаёміліся з ўзорамі тэхнікі, лабараторыямі і арганізацыяй адукацыйнага працэсу. Акрамя таго, удзельнікі семінара наведалі рэсурсны цэнтр Мінскага радыётэхнічнага каледжа (філіял БДУІР).-0-

Навіны рубрыкі Грамадства
Фота з архіва ЦВК: яўка выбаршчыкаў на датэрміновым галасаванні ў гэтым годзе вышэйшая, чым на парламенцкіх выбарах-2016
Учора 19:29
Беларусь займае 2-е месца сярод краін СНД па колькасці студэнтаў
Учора 18:45
Беларусь і Кітай да 2021 года плануюць рэалізаваць 35 сумесных навукова-тэхнічных праектаў
Учора 16:26
Міхаіл Русы ў час прыёму грамадзян Русы: на месцах з грамадзянамі трэба працаваць асабіста, а не перадаваць дакументы з кабінета ў кабінет
Учора 15:47
ФПБ з 15 лістапада будзе маніторыць выкананне тэмпературнага рэжыму на прадпрыемствах
Учора 14:41
Беларусь ініцыюе змяненне дагавора з Расіяй аб узаемных намаганнях у ахове граніцы
Учора 14:30
Фота з архіва Цёплае і пераважна без ападкаў надвор'е захаваецца ў Беларусі да пачатку наступнага тыдня
Учора 12:10
Зась: набыццё знішчальнікаў Су-30СМ паклала пачатак паэтапнаму пераўзбраенню ВПС Беларусі
Учора 10:10
Кіраўнікі дзяржорганаў у лістападзе правядуць выязныя прыёмы грамадзян
13 Лістапад, 19:55
Поўная версія