Поўная версія

У час паводкі ў Беларусі можа быць падтоплены 51 населены пункт

Грамадства 07.03.2017 | 19:32

7 сакавіка, Мінск /Аляксандр Жыбуль - БЕЛТА/. Вясеннімі водамі ў Беларусі можа быць падтоплены 51 населены пункт у 16 раёнах. Аб гэтым паведаміў сёння на прэс-канферэнцыі першы намеснік начальніка ўпраўлення аварыйна-выратавальных службаў і ліквідацыі надзвычайных сітуацый МНС Андрэй Юржыц, перадае карэспандэнт БЕЛТА.

Гідрамет прадастаўляе поўную інфармацыю МНС аб тым, чаго чакаць ад паводкі. Зыходзячы з гэтага прагнозу, міністэрства арганізуе сваю работу. "У 16 раёнах і 51 населеным пункце Беларусі магчымы падтапленні вясеннімі водамі. На гэты момант падтоплены тры ўчасткі дарог і аднаго моста. Падрыхтаваны ўжо картаграфічныя матэрыялы, узяты на ўлік усе населеныя пункты", - адзначыў Андрэй Юржыц.

У МНС ёсць тры водныя падушкі, сфарміравана 14 зводных атрадаў, якія могуць адпампаваць ваду і хутка дабрацца да месца здарэння. На баявых дзяжурствах па ўсёй краіне штодзень знаходзяцца 2344 чалавекі і 1500 адзінак пажарнай тэхнікі і ў рэзерве яшчэ тысяча, якія кругласутачна нясуць сваю службу. "Службы ўзаемадзеяння і аварыйныя брыгады гатовы да ўсіх экстранных сітуацый. Калі нейкі населены пункт будзе адрэзаны вадой, арганізуецца падвоз прадуктаў харчавання. У нас задзейнічаны касмічны маніторынг. Таксама ў нас наладжана ўзаемадзеянне з дзяржаўнымі службамі па надзвычайных сітуацыях Украіны і Расійскай Федэрацыі. Пры павышэнні ўзроўню рэк мы гатовы да маментальнага рэагавання", - сказаў Андрэй Юржыц.

У сваю чаргу першы намеснік начальніка Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды Раман Лабазноў запэўніў, што ў Беларусі прыняты ўсе меры да сустрэчы вясенняй паводкі. "Уся сетка Гідрамета пераведзена ва ўзмоцнены рэжым нясення службы. У гэту работу ўключана амаль 80 інфармацыйных гідралагічных пастоў па ўсёй краіне. Штодзень уся інфармацыя перадаецца ў МНС. Узаемадзеянне арганізавана на самым высокім узроўні", - сказаў ён.-0-

Навіны рубрыкі Грамадства
Фота з архіва Белгідрамет расказаў аб экалагічнай абстаноўцы ў I паўгоддзі
Учора 19:34
Беларускія каманды адпраўляюцца на Армейскія міжнародныя гульні
Учора 18:40
У Беларусі ў І паўгоддзі пабудавана 19,3 тыс. кватэр, больш за трэць уведзенага жылля - для маючых патрэбу
Учора 18:02
Фота з архіва Цёплае надвор'е з дажджамі чакаецца ў Беларусі ў трэцяй дэкадзе ліпеня
Учора 15:13
Тэмпература паветра ў Беларусі ў I паўгоддзі была на 2,3 градуса вышэйшая за норму
Учора 15:02
У БДПУ на некаторыя спецыяльнасці конкурс дасягае 10 чалавек на месца
Учора 12:37
Зацверджана інструкцыя, якая вызначае паўнамоцтвы ДФР КДК у пытаннях карэкціроўкі падатковай базы
Учора 12:28
Міністэрства аховы здароўя прадаўжае работу па пераходзе галіны на новую сістэму аплаты працы з 2020 года
Учора 10:38
Пракуратура ўзяла на кантроль выкананне інвестпраграм па будаўніцтве сацыяльна значных аб'ектаў
Учора 09:42
Поўная версія