Поўная версія

У Беларусі рыхтуюць канцэпцыю абароны персанальных даных у ахове здароўя

Грамадства 06.11.2019 | 18:16
Фота з архіва
Фота з архіва

6 лістапада, Мінск /Кар. БЕЛТА/. Міністэрства аховы здароўя Беларусі рыхтуе канцэпцыю абароны персанальных даных у сістэме аховы здароўя, паведаміў журналістам намеснік міністра аховы здароўя Вячаслаў Шыла перад канферэнцыяй у Мінску, якая прысвечана актуальным праблемам кібербяспекі ў медыцынскай галіне, перадае карэспандэнт БЕЛТА.

"У сістэме аховы здароўя даволі вялікі аб'ём даных па кожным пацыенце, якія знаходзяцца як на папяровым носьбіце, так і ў лічбавым фармаце. Міністэрства аховы здароўя ўдзяляе шмат увагі абароне персанальных даных, - сказаў Вячаслаў Шыла. - У нас не было прыкладаў уцечкі інфармацыі з медыцынскіх інфармацыйных сістэм. Гэта датычыцца КТ-, МРТ-даследаванняў і інш.".

Разам з тым, каб ісці ў нагу з часам, распрацаваны праект канцэпцыі абароны персанальных даных у ахове здароўя. Існуе шмат медыцынскіх сістэм. Сярод іх АІС "Паліклініка", АІС "Стацыянар", Адзіная лабараторная інфармацыйная сістэма, рэгістр "Цукровы дыябет". Аднак яны маюць разрознены характар, таму даныя збіраюцца на базе канкрэтнай установы. "Неабходна аб'яднаць інфармацыйныя сістэмы на ўсіх узроўнях, каб наладзіць поўнае ўзаемадзеянне паміж усімі суб'ектамі", - адзначыў намеснік міністра. Задачу павінна вырашыць цэнтралізаваная інфармацыйная сістэма аховы здароўя Беларусі. Гэта, паводле слоў Вячаслава Шылы, дазволіць як урачу, так і пацыенту (праз асабісты кабінет) выкарыстоўваць гэтыя даныя.

Удзельнікамі канферэнцыі з'яўляюцца супрацоўнікі ўстаноў аховы здароўя, спецыялісты IT-сферы, якія займаюцца распрацоўкай праграмных прадуктаў у сферы інфармацыйнай бяспекі.-0-

Навіны рубрыкі Грамадства
Фота з архіва ЦВК: яўка выбаршчыкаў на датэрміновым галасаванні ў гэтым годзе вышэйшая, чым на парламенцкіх выбарах-2016
Учора 19:29
Беларусь займае 2-е месца сярод краін СНД па колькасці студэнтаў
Учора 18:45
Беларусь і Кітай да 2021 года плануюць рэалізаваць 35 сумесных навукова-тэхнічных праектаў
Учора 16:26
Міхаіл Русы ў час прыёму грамадзян Русы: на месцах з грамадзянамі трэба працаваць асабіста, а не перадаваць дакументы з кабінета ў кабінет
Учора 15:47
ФПБ з 15 лістапада будзе маніторыць выкананне тэмпературнага рэжыму на прадпрыемствах
Учора 14:41
Беларусь ініцыюе змяненне дагавора з Расіяй аб узаемных намаганнях у ахове граніцы
Учора 14:30
Фота з архіва Цёплае і пераважна без ападкаў надвор'е захаваецца ў Беларусі да пачатку наступнага тыдня
Учора 12:10
Зась: набыццё знішчальнікаў Су-30СМ паклала пачатак паэтапнаму пераўзбраенню ВПС Беларусі
Учора 10:10
Кіраўнікі дзяржорганаў у лістападзе правядуць выязныя прыёмы грамадзян
13 Лістапад, 19:55
Поўная версія