Поўная версія

У Беларусі плануецца павялічыць тэрмін знаходжання іншаземцаў без рэгістрацыі з 5 да 10 дзён

Грамадства 11.08.2017 | 12:46

11 жніўня, Мінск /Кар. БЕЛТА/. У Беларусі плануецца павялічыць тэрмін знаходжання іншаземцаў без рэгістрацыі з 5 да 10 дзён. Аб гэтым сёння паведаміў журналістам першы намеснік начальніка Дэпартамента па грамадзянстве і міграцыі Міністэрства ўнутраных спраў Віталь Навумчык, перадае карэспандэнт БЕЛТА.

"МУС падрыхтавала праект закона аб унясенні змяненняў і дапаўненняў у закон аб прававым становішчы замежных грамадзян. У ім у тым ліку прадугледжваецца павелічэнне тэрміну вызвалення іншаземцаў ад абавязковай рэгістрацыі з моманту ўезду - з 5 да 10 дзён", - сказаў Віталь Навумчык.

Таксама плануецца павялічыць для некаторых катэгорый іншаземцаў тэрміны дзеяння дазволаў на часовае пражыванне. "У першую чаргу гэта датычыцца інвестараў. Робіцца гэта для стварэння спрыяльных умоў для развіцця інвестыцыйнага клімату. Цяпер агульны максімальны тэрмін пры выдачы дазволаў на пражыванне складае да года. Мы ж хочам для гэтай катэгорыі іншаземцаў павялічыць тэрміны пражывання да двух гадоў", - інфармаваў ён.

Законапраектам прадугледжваецца карэкціроўка норм, дзе змешчаны падставы для часовага пражывання іншаземцаў, якія прыбылі для навучання. "Пашыраецца пералік падстаў для атрымання дазволу для тых, хто мае намер у нас вучыцца. Гэта, думаю, будзе садзейнічаць экспарту адукацыйных паслуг", - паведаміў Віталь Навумчык.

У чэрвені законапраект унесены ў Савет Міністраў, у верасні яго павінны перадаць у Палату прадстаўнікоў. Паводле слоў Віталя Навумчыка, адпаведныя змяненні ў законе аб прававым становішчы іншаземцаў у Беларусі, арыенціровачна, могуць уступіць у сілу ў снежні 2018 - студзені 2019 года.-0-

Навіны рубрыкі Грамадства
Фота з архіва Белгідрамет расказаў аб экалагічнай абстаноўцы ў I паўгоддзі
Учора 19:34
Беларускія каманды адпраўляюцца на Армейскія міжнародныя гульні
Учора 18:40
У Беларусі ў І паўгоддзі пабудавана 19,3 тыс. кватэр, больш за трэць уведзенага жылля - для маючых патрэбу
Учора 18:02
Фота з архіва Цёплае надвор'е з дажджамі чакаецца ў Беларусі ў трэцяй дэкадзе ліпеня
Учора 15:13
Тэмпература паветра ў Беларусі ў I паўгоддзі была на 2,3 градуса вышэйшая за норму
Учора 15:02
У БДПУ на некаторыя спецыяльнасці конкурс дасягае 10 чалавек на месца
Учора 12:37
Зацверджана інструкцыя, якая вызначае паўнамоцтвы ДФР КДК у пытаннях карэкціроўкі падатковай базы
Учора 12:28
Міністэрства аховы здароўя прадаўжае работу па пераходзе галіны на новую сістэму аплаты працы з 2020 года
Учора 10:38
Пракуратура ўзяла на кантроль выкананне інвестпраграм па будаўніцтве сацыяльна значных аб'ектаў
Учора 09:42
Поўная версія