Поўная версія

У Беларусі магчымы змяненні ў нормах безбар'ернага доступу ў будынкі

Грамадства 22.05.2019 | 17:07
Фота pyt-yah-online.ru
Фота pyt-yah-online.ru

22 мая, Мінск /Кар. БЕЛТА/. Міністэрства архітэктуры і будаўніцтва разглядае пытанне ўнясення змяненняў у нарматыўныя патрабаванні для ўладкавання пандуса без абсталявання лесвіцы, каб забяспечваць доступ усіх катэгорый грамадзян на розныя аб'екты - у будынкі арганізацый, устаноў і прадпрыемстваў, жылыя дамы. Аб гэтым паведаміла сёння начальнік галоўнага ўпраўлення горадабудаўніцтва, праектнай, навукова-тэхнічнай і інавацыйнай палітыкі Міністэрства архітэктуры і будаўніцтва Вольга Верамей на прэс-канферэнцыі ў прэс-цэнтры БЕЛТА.

"Цяпер Мінбудархітэктуры вядзе работу па карэкціроўцы асобных патрабаванняў і фарміраванні адпаведных змяненняў па прымяненні пад'ёмных платформ. Праектныя арганізацыі ў праектных рашэннях прадугледжваюць нахіленыя пад'ёмныя платформы, якія ў сваім транспартным становішчы (спуск/пад'ём) змяншаюць эвакуацыйную шырыню праходу па лесвічным маршы і ствараюць нязручнасці для іншых жыхароў жылога дома, - адзначыла Вольга Верамей. - Вельмі шмат звяртаецца праектных арганізацый, якія сутыкаюцца пры рамонце або рэканструкцыі з тым, што немагчыма ўстанавіць нейкія элементы. І самі інваліды часам просяць не ўключаць у праект пад'ёмную платформу, а замяніць іх пандусам. Але ў кожным выпадку робіцца ўпор на нормы, якія неабходна выконваць, нават калі гэта дорага. Міністэрства тым не менш стараецца шукаць кампраміс, узгадняе нейкія адступленні".

Арганізацыя безбар'ернага асяроддзя ўваходзіць у праграму мерапрыемстваў Дзяржаўнай праграмы аб сацыяльнай абароне і садзейнічанні занятасці насельніцтва на 2016-2020 гады, нацыянальнага плана па рэалізацыі Канвенцыі аб правах інвалідаў. У краіне зацверджана Канцэпцыя ўніверсальнага дызайну ў галіне стварэння безбар'ернага асяроддзя, удасканалены нормы ТНПА (тэхнічных нарматыўна-прававых актаў).

У лютым 2018 года зацверджаны і з 1 кастрычніка 2018 года ўведзены ў дзеянне тэхнічны кодэкс сталай практыкі "Асяроддзе для фізічна аслабленых асоб. Будаўнічыя нормы праектавання". Гэты комплексны дакумент устанаўлівае асноўныя патрабаванні, што падлягаюць абавязковаму прымяненню пры праектаванні новага будаўніцтва, а таксама рамонту і рэканструкцыі жылых і грамадскіх будынкаў, будынкаў вытворчых прадпрыемстваў, каб фізічна аслабленыя асобы (у тым ліку з парушэннямі функцый апорна-рухальнага апарату, сляпыя і са слабым зрокам, глухія і са слабым слыхам) маглі перамяшчацца самастойна, мелі ўмовы для сацыяльнай інтэграцыі. Кодэкс быў узгоднены з грамадскімі аб'яднаннямі інвалідаў.

З 1 лістапада 2018 года ўведзены кодэксы, што прадугледжваюць стварэнне элементаў безбар'ернага асяроддзя. Напрыклад, яшчэ пры праектаванні павінны забяспечвацца неабходныя памеры і канфігурацыі прасторы перад уваходным праёмам і яго шырыня, каб людзі на крэслах-калясках маглі яго пераадолець. Пандусы, пад'ёмныя ўстройствы абавязковыя і на ўваходнай групе, і пасля ўваходу для пападання на першы паверх (у залежнасці ад узроўню нахілу выбіраецца, павінен гэта быць пандус або пад'ёмнік). На ўваходах у будынкі не павінна быць турнікетаў, брамак, дзвярных палотнаў з двухбаковымі петлямі і іншых механічных устройстваў. Самі дзверы павінны адкрывацца лёгка, па магчымасці ў грамадскіх будынках лепш устанаўліваць дзверы з аўтаматычным адкрыццём. Неабходны сігнальная інфармацыя або кантрасная афарбоўка, візуальныя і тактыльныя паказальнікі на ўваходнай групе і па напрамку руху.-0-

Навіны рубрыкі Грамадства
Фота з архіва Белгідрамет расказаў аб экалагічнай абстаноўцы ў I паўгоддзі
Учора 19:34
Беларускія каманды адпраўляюцца на Армейскія міжнародныя гульні
Учора 18:40
У Беларусі ў І паўгоддзі пабудавана 19,3 тыс. кватэр, больш за трэць уведзенага жылля - для маючых патрэбу
Учора 18:02
Фота з архіва Цёплае надвор'е з дажджамі чакаецца ў Беларусі ў трэцяй дэкадзе ліпеня
Учора 15:13
Тэмпература паветра ў Беларусі ў I паўгоддзі была на 2,3 градуса вышэйшая за норму
Учора 15:02
У БДПУ на некаторыя спецыяльнасці конкурс дасягае 10 чалавек на месца
Учора 12:37
Зацверджана інструкцыя, якая вызначае паўнамоцтвы ДФР КДК у пытаннях карэкціроўкі падатковай базы
Учора 12:28
Міністэрства аховы здароўя прадаўжае работу па пераходзе галіны на новую сістэму аплаты працы з 2020 года
Учора 10:38
Пракуратура ўзяла на кантроль выкананне інвестпраграм па будаўніцтве сацыяльна значных аб'ектаў
Учора 09:42
Поўная версія