Поўная версія

У Беларусі ад ВНУ чакаюць ініцыятывы ў нацыянальнай і рэгіянальных інавацыйных сістэмах

Грамадства 17.05.2019 | 12:37
Ірына Старавойтава. Фота з архіва
Ірына Старавойтава. Фота з архіва

17 мая, Мінск /Кар. БЕЛТА/. У Беларусі ад ВНУ чакаюць ініцыятывы ў нацыянальнай і рэгіянальных інавацыйных сістэмах. Аб гэтым сёння заявіла першы намеснік міністра адукацыі Ірына Старавойтава на адкрыцці канферэнцыі "Раскрыццё інавацыйнага патэнцыялу ўніверсітэтаў: універсітэцка-прамысловыя кластары", перадае карэспандэнт БЕЛТА.

Ірына Старавойтава нагадала, што згодна з канцэптуальнымі падыходамі да развіцця сістэмы адукацыі да 2020 года і на перспектыву да 2030 года пры фарміраванні інавацыйнай эканомікі ВНУ павінны забяспечыць падрыхтоўку спецыялістаў, якія могуць ствараць інавацыі. "Універсітэты павінны выказваць ініцыятыву і ў рамках нацыянальных і рэгіянальных інавацыйных сістэм, фарміруючы ў студэнтаў кампетэнцыі, якія запатрабаваны ва ўмовах хутказменлівага рынку працы і неабходных для навучання на працягу ўсяго жыцця", - адзначыла Ірына Старавойтава.

Асноўны канцэпт развіцця ВНУ - у інтэграцыі адукацыйнага працэсу з навукова-адукацыйнай дзейнасцю. Першы намеснік міністра ўдакладніла, што размова ідзе аб канцэпцыі прадпрымальніцкага ўніверсітэта - "Універсітэта 3.0", які развіваецца ў беларускіх ВНУ. "Падыход Беларусі да развіцця вышэйшай школы па мадэлі "Універсітэт 3.0" заснаваны на ўяўленні аб тым, што сістэма вышэйшай адукацыі павінна не толькі падстройвацца пад рынак працы, але і сама служыць крыніцай і інкубатарам новых ідэй, інавацыйных рашэнняў, прагрэсіўных тэхналогій", - дадала яна.

Як паведамлялася, у студзені Саўмін зацвердзіў комплекс мерапрыемстваў па развіцці нацыянальнай інавацыйнай сістэмы на 2019 год. Усяго ў плане каля 80 мерапрыемстваў. У прыватнасці, у ВНУ планавалася стварэнне фондаў мэтавага капіталу (эндаўмент-фонды). Акрамя таго, у планах было адкрываць цэнтры трансферу тэхналогій пры ўніверсітэтах, навуковых арганізацыях у Мінску, абласных і найбольш буйных райцэнтрах.

Канферэнцыя арганізавана Сусветным банкам пры падтрымцы Міністэрства адукацыі ў час падрыхтоўкі сумеснага праекта "Мадэрнізацыя вышэйшай адукацыі Беларусі". Мэта канферэнцыі - у вывучэнні магчымасцей супрацоўніцтва ўніверсітэтаў і прамысловых прадпрыемстваў шляхам дэманстрацыі вопыту еўрапейскіх дзяржаў і Беларусі на дзяржаўным узроўні. Удзельнікі абмяркуюць таксама вопыт ВНУ і прадпрыемстваў у стварэнні інавацыйных экасістэм і распрацоўцы механізмаў, якія ўлічваюць патрэбнасці галіны, стымулююць развіццё чалавечага капіталу і садзейнічаюць інавацыйнай дзейнасці.

Арганізатары разлічваюць, што прэзентацыі практычных даследаванняў Беларусі і іншых еўрапейскіх краін, а таксама абмен думкамі паміж прадстаўнікамі ўлады, вядучых ВНУ, навуковымі работнікамі і прадстаўнікамі галін прамысловасці дапамогуць знайсці практычныя рашэнні для раскрыцця інавацыйнага патэнцыялу ўніверсітэтаў.-0-

Навіны рубрыкі Грамадства
Фота з архіва Белгідрамет расказаў аб экалагічнай абстаноўцы ў I паўгоддзі
Учора 19:34
Беларускія каманды адпраўляюцца на Армейскія міжнародныя гульні
Учора 18:40
У Беларусі ў І паўгоддзі пабудавана 19,3 тыс. кватэр, больш за трэць уведзенага жылля - для маючых патрэбу
Учора 18:02
Фота з архіва Цёплае надвор'е з дажджамі чакаецца ў Беларусі ў трэцяй дэкадзе ліпеня
Учора 15:13
Тэмпература паветра ў Беларусі ў I паўгоддзі была на 2,3 градуса вышэйшая за норму
Учора 15:02
У БДПУ на некаторыя спецыяльнасці конкурс дасягае 10 чалавек на месца
Учора 12:37
Зацверджана інструкцыя, якая вызначае паўнамоцтвы ДФР КДК у пытаннях карэкціроўкі падатковай базы
Учора 12:28
Міністэрства аховы здароўя прадаўжае работу па пераходзе галіны на новую сістэму аплаты працы з 2020 года
Учора 10:38
Пракуратура ўзяла на кантроль выкананне інвестпраграм па будаўніцтве сацыяльна значных аб'ектаў
Учора 09:42
Поўная версія