Поўная версія

Тыдзень лесу пройдзе ў Беларусі 13-20 красавіка

Грамадства 01.04.2019 | 17:54
Фота з архіва
Фота з архіва

1 красавіка, Мінск /Кар. БЕЛТА/. Рэспубліканская акцыя "Тыдзень лесу" пройдзе ў Беларусі з 13 па 20 красавіка, паведамілі БЕЛТА ў прэс-службе Мінлясгаса.

"У час акцыі, якая праходзіць па ініцыятыве Міністэрства лясной гаспадаркі, кожны жадаючы зможа ўнесці свой уклад у азеляненне краіны. Для гэтага неабходна звярнуцца ў бліжэйшы лясгас або лясніцтва і заявіць аб сваім жаданні ўдзельнічаць у акцыі. Лесагаспадарчыя ўстановы забяспечаць валанцёраў пасадачным матэрыялам і неабходным інвентаром", - расказалі ў прэс-службе.

У Беларусі прадаўжаецца сезон веснавых лесакультурных работ. Толькі за апошні тыдзень лесагаспадарчыя ўстановы краіны стварылі больш за 8,3 тыс. га лясоў. З пачатку года лесаводы высадзілі ўжо 14,5 тыс. га лясных культур. Найбольш актыўна работа па стварэнні лясоў вядзецца ў Гомельскай вобласці: гэтай вясной новыя лясныя культуры з'явіліся на плошчы 7,7 тыс. га. Асаблівая ўвага ўдзяляецца аднаўленню ўчасткаў усохлых насаджэнняў.

У прэс-службе нагадалі, што ў 2019 годзе лясгасы плануюць стварыць 33,1 тыс. га лясоў, асноўная частка будзе высаджана вясной.

Сёння Беларусь уваходзіць у дзясятку самых лясных краін Еўропы. Узровень лясістасці краіны з 1945 года дасягнуў максімальнага значэння і складае 39,8 працэнта. Штогод беларускія лесаводы высаджваюць не менш за 30 тыс. га лесу, пры гэтым акцэнт робіцца на стварэнні змешаных лясных культур (дзве і больш пароды). У 2018 годзе па такім прынцыпе было створана больш за 90,9 працэнта новых лясоў. Гэта дае магчымасць павышаць устойлівасць будучых лясоў да розных біялагічных і кліматычных фактараў.-0-

Навіны рубрыкі Грамадства
Фота з архіва ЦВК: яўка выбаршчыкаў на датэрміновым галасаванні ў гэтым годзе вышэйшая, чым на парламенцкіх выбарах-2016
Учора 19:29
Беларусь займае 2-е месца сярод краін СНД па колькасці студэнтаў
Учора 18:45
Беларусь і Кітай да 2021 года плануюць рэалізаваць 35 сумесных навукова-тэхнічных праектаў
Учора 16:26
Міхаіл Русы ў час прыёму грамадзян Русы: на месцах з грамадзянамі трэба працаваць асабіста, а не перадаваць дакументы з кабінета ў кабінет
Учора 15:47
ФПБ з 15 лістапада будзе маніторыць выкананне тэмпературнага рэжыму на прадпрыемствах
Учора 14:41
Беларусь ініцыюе змяненне дагавора з Расіяй аб узаемных намаганнях у ахове граніцы
Учора 14:30
Фота з архіва Цёплае і пераважна без ападкаў надвор'е захаваецца ў Беларусі да пачатку наступнага тыдня
Учора 12:10
Зась: набыццё знішчальнікаў Су-30СМ паклала пачатак паэтапнаму пераўзбраенню ВПС Беларусі
Учора 10:10
Кіраўнікі дзяржорганаў у лістападзе правядуць выязныя прыёмы грамадзян
13 Лістапад, 19:55
Поўная версія