Поўная версія

Шматдзетныя сем'і ў Беларусі будуць стаяць у чарзе на жыллё не больш за год

Грамадства 21.05.2019 | 14:52
Вольга Верамей у час прэс-канферэнцыі
Вольга Верамей у час прэс-канферэнцыі

21 мая, Мінск /Кар. БЕЛТА/. Шматдзетныя сем'і, якія маюць патрэбу ў паляпшэнні жыллёвых умоў, з 2021 года будуць накіроўвацца на будаўніцтва жылля на працягу 12 месяцаў з моманту пастаноўкі на ўлік. Прадугледжаны адпаведныя механізмы, паведаміла журналістам у прэс-цэнтры БЕЛТА начальнік галоўнага ўпраўлення горадабудаўніцтва, праектнай, навукова-тэхнічнай і інавацыйнай палітыкі Міністэрства архітэктуры і будаўніцтва Беларусі Вольга Верамей, каменціруючы план мерапрыемстваў па рэалізацыі Дырэктывы нумар 8 "Аб прыярытэтных напрамках развіцця будаўнічай галіны".

"Мясцовыя органы ўлады выдзелілі дастатковую колькасць зямельных участкаў, якія могуць прапаноўвацца шматдзетным сем'ям. Да 2021 года чарга будзе фарміравацца так, каб на працягу года з моманту пастаноўкі на ўлік шматдзетныя сем'і маглі накіроўвацца на будаўніцтва жылля", - адзначыла Вольга Верамей.

Планы - графікі ўзвядзення жылых дамоў для гэтай катэгорыі чаргавікоў будуць распрацоўвацца і зацвярджацца штогод. Таксама пры фарміраванні жыллёвай праграмы неабходна будзе штогод уводзіць у эксплуатацыю не менш за 135 тыс. кв. м арэнднага жылля, у тым ліку за кошт бюджэтных сродкаў - не менш за 90 тыс. кв. м.

Вызначана таксама ўвядзенне ў практыку страхавання прафесійнай адказнасці праектнай арганізацыі за распрацаваную праектную дакументацыю.

У сакавіку бягучага года Прэзідэнт падпісаў Дырэктыву нумар 8 "Аб прыярытэтных напрамках развіцця будаўнічай галіны". У сярэдзіне мая пастановай Савета Міністраў зацверджаны план па яе рэалізацыі, які ўключае 60 мерапрыемстваў па розных напрамках.-0-

Навіны рубрыкі Грамадства
Фота з архіва Белгідрамет расказаў аб экалагічнай абстаноўцы ў I паўгоддзі
Учора 19:34
Беларускія каманды адпраўляюцца на Армейскія міжнародныя гульні
Учора 18:40
У Беларусі ў І паўгоддзі пабудавана 19,3 тыс. кватэр, больш за трэць уведзенага жылля - для маючых патрэбу
Учора 18:02
Фота з архіва Цёплае надвор'е з дажджамі чакаецца ў Беларусі ў трэцяй дэкадзе ліпеня
Учора 15:13
Тэмпература паветра ў Беларусі ў I паўгоддзі была на 2,3 градуса вышэйшая за норму
Учора 15:02
У БДПУ на некаторыя спецыяльнасці конкурс дасягае 10 чалавек на месца
Учора 12:37
Зацверджана інструкцыя, якая вызначае паўнамоцтвы ДФР КДК у пытаннях карэкціроўкі падатковай базы
Учора 12:28
Міністэрства аховы здароўя прадаўжае работу па пераходзе галіны на новую сістэму аплаты працы з 2020 года
Учора 10:38
Пракуратура ўзяла на кантроль выкананне інвестпраграм па будаўніцтве сацыяльна значных аб'ектаў
Учора 09:42
Поўная версія