ДЗЯРЖОРГАНЫДЗЯРЖОРГАНЫ
Флаг Пятніца, 7 мая 2021
Мінск Суцэльная воблачнасць +12°C
Усе навіны
Усе навіны
Грамадства
09 красавіка 2021, 18:08

Шчокін: замежнае фінансаванне партый недапушчальна і пагражае нацыянальнай бяспецы

Мікалай Шчокін. Фота з асабістага архіва
Мікалай Шчокін. Фота з асабістага архіва

9 красавіка, Мінск /Кар. БЕЛТА/. Замежнае фінансаванне палітычных партый недапушчальна і пагражае нацыянальнай бяспецы, у аснове партыйнай дзейнасці павінны быць дзяржаўныя інтарэсы. Аб гэтым карэспандэнту БЕЛТА заявіў загадчык аддзела сацыялогіі дзяржаўнага кіравання Інстытута сацыялогіі НАН кандыдат філасофскіх навук Мікалай Шчокін, каменціруючы сённяшнюю нараду ў Прэзідэнта па пытаннях дзейнасці ў краіне палітычных партый.

"На нарадзе Аляксандр Лукашэнка перасцярог усіх ад спекуляцый і штучнага падыходу ў партыйным будаўніцтве. Трэба разумець, што палітычная дзейнасць, як і партыйная, - гэта асаблівая сфера дзяржаўна-грамадскага развіцця. Любое грамадства і дзяржава павінны быць маральна гатовы. Таксама трэба ўлічваць гістарычную традыцыю партыйнага будаўніцтва. У сувязі з гэтым патрабаванне кіраўніка дзяржавы наконт партыйнай трансфармацыі - эвалюцыйнасць, натуральнасць, грамадская запатрабаванасць і бяспека - з'яўляюцца рэалістычнымі", - адзначыў Мікалай Шчокін.

Загадчык аддзела сацыялогіі лічыць, што ўсе партыі павінны быць нацыянальна арыентаваны і адпавядаць інтарэсам беларускай мадэлі развіцця.

"Усім нам важна ўсвядоміць, што партыйная сістэма, як і ўся ўлада, павінна быць ад народа і для народа. На жаль, у свеце за апошнія 30-40 гадоў склалася заганная практыка партыйнай дзейнасці. У большасці краін партыі сябе дыскрэдытавалі, таму што сталі інструментам лабіравання інтарэсаў транснацыянальных карпарацый і спецслужбаў, ваенна-прамысловых комплексаў і фінансавых, банкаўскіх колаў. Больш таго, партыі часта ўцягваюцца ў карупцыйныя схемы. Таму цалкам падтрымліваю Прэзідэнта, патрабаванні якога для партый простыя, але строгія - адкрытасць, шырокая прадстаўнічаць, законнасць, - падкрэсліў Мікалай Шчокін. - Традыцыі партый XX стагоддзя адышлі ў мінулае. Сёння партыі - гэта своеасаблівыя адукацыйныя пляцоўкі па фарміраванні кадравага корпуса для краіны, гэта значыць выяўлення патрыятычна настроеных маладых таленавітых упраўленцаў. Менавіта партыі павінны ўзяць на сябе работу па запуску сацыяльных ліфтаў. Партыі павінны стаць своеасаблівай школай жыцця для жадаючых працаваць дзеля краіны. Галоўнае пытанне - інтарэсы краіны і грамадства. Партыйная рэформа дзеля рэформы нікому не патрэбна. І ў гэтым сэнсе прынцып "не нашкодзь" актуальны".

На думку аналітыка, структура грамадства і эканомікі Беларусі такая, што проста тэхнічна пераймаць міжнародны вопыт будзе для ўсёй краіны згубна.

"Трэба ўлічваць рэаліі сацыяльнага арганізма краіны. Перш чым выбудоўваць новую партыйную сістэму, неабходна вывучыць і правесці сацыялагічныя замеры сучаснага стану грамадства і адказаць на шэраг пытанняў. Якая грамадская запатрабаванасць у партыйнай дзейнасці? Якая электаральная група? Што з сябе наогул уяўляе грамадскі арганізм сучаснай Беларусі? Важным пытаннем, якое сёння было сфармулявана Прэзідэнтам, з'яўляецца фінансаванне. Упэўнены, увесь беларускі народ падтрымае Аляксандра Лукашэнку ў тым, што замежнае фінансаванне недапушчальна і пагражае нацыянальнай бяспецы. У аснове партыйнай дзейнасці - дзяржаўныя інтарэсы. Партыйнае перафармаціраванне не павінна загубіць беларускую дзяржаўнасць, - сказаў Мікалай Шчокін. - Чарговы раз мы ўсе сталі сведкамі выканання рашэнняў VI Усебеларускага народнага сходу. Прэзідэнт трымае сваё слова і ва ўласцівай яму манеры, сур'ёзнасці ў падыходах да вырашэння любога пытання зыходзіць з інтарэсаў кожнага грамадзяніна і ўсёй дзяржавы ў цэлым".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі