Поўная версія

Рух паяздоў метро з "Фрунзенскай" да "Каменнай Горкі" закрыюць на некалькі дзён у сакавіку-красавіку

Грамадства 18.11.2019 | 15:04
Фота з архіва
Фота з архіва

18 лістапада, Мінск /Кар. БЕЛТА/. Рух паяздоў метро са станцыі "Фрунзенская" да "Каменнай Горкі" закрыюць на некалькі дзён у сакавіку-красавіку 2020 года для будаўніцтва стрэлкі, якая злучыць трэцюю лінію метрапалітэна з другой. Аб гэтым журналістам паведаміў генеральны дырэктар УП "Мінскметрабуд" Леанід Стухальскі, перадае карэспандэнт БЕЛТА.

"Вельмі сур'ёзная работа ў нас наперадзе. Размова аб уразанні стрэлкі, якая злучыць другую лінію метрапалітэна з трэцяй. Гэта будзе ў сакавіку-красавіку. На некалькі дзён (па графіку на пяць) спынім рух метро з "Фрунзенскай" да "Каменнай Горкі", - адзначыў Леанід Стухальскі.

Ён папрасіў прабачэння перад мінчанамі за часовыя нязручнасці, але падкрэсліў: "Давядзецца пацярпець. Будоўля - гэта часова, а метро - назаўсёды".

Трэцяя лінія Мінскага метрапалітэна (Зялёналужская) будзе мець працягласць 17,2 км і налічваць 14 станцый. Яна злучыць паўднёвыя і паўночныя жылыя масівы сталіцы з цэнтрам. Як паведамлялася, цяпер у сталіцы вядзецца будаўніцтва чатырох станцый трэцяй лініі метро: "Юбілейная плошча" (там жа, дзе "Фрунзенская"), "Плошча Францішка Багушэвіча" (каля Беларускага дзяржаўнага акадэмічнага музычнага тэатра), "Вакзальная" (з выхадам на дыспетчарскую станцыю "Дружная"), "Кавальская Слабада" (у раёне вул. Варанянскага). Адкрыць для руху першы ўчастак плануецца ў 2020 годзе.-0-

Навіны рубрыкі Грамадства
Поўная версія