Поўная версія

Расійскі ваенна-гістарычны лагер "Барадзіно" ўпершыню прыме на адпачынак брэсцкіх кадэтаў

Грамадства 15.07.2019 | 12:49
Фота ваенна-гістарычнага лагера "Барадзіно"
Фота ваенна-гістарычнага лагера "Барадзіно"

15 ліпеня, Брэст /Кар. БЕЛТА/. Група брэсцкіх кадэтаў адправіцца 17 ліпеня на адпачынак у ваенна-гістарычны лагер "Барадзіно-2019" пад Масквой, паведаміў карэспандэнту БЕЛТА генеральны консул Расіі ў Брэсце Ігар Канякін.

Прапанова паступіла ад Дзяржаўнага Барадзінскага ваенна-гістарычнага музея-запаведніка, пры якім дзейнічае адзін з буйнейшых палатачных лагераў для школьнікаў. Дзеці з Беларусі прыедуць сюды ўпершыню. Паездка стала ўзнагародай для 20 лепшых навучэнцаў кадэцкіх класаў СШ нумар 35 Брэста - пераможцаў гарадскога агляду-конкурсу строю і песні. У Мажайскі раён кадэты адправяцца ў суправаджэнні двух выхавальнікаў. Расходы па знаходжанні беларускай групы бяруць на сябе арганізатары (музей-запаведнік і Міністэрства культуры Расіі).

Профільная змена ў палатачным лагеры "Барадзіно-2019" прадоўжыцца 14 дзён - з 18 па 31 ліпеня. На гэты час сюды з'едуцца 600 падлеткаў ва ўзросце ад 12 да 16 гадоў з 40 расійскіх рэгіёнаў. Разам з равеснікамі беларускія падлеткі будуць знаёміцца з ваенна-гістарычнай спадчынай, наведваць інтэрактыўныя пляцоўкі, спаборнічаць у сіле і спрыце, вучыцца самастойнасці ва ўмовах палатачнага лагера. У праграме запланаваны сустрэчы з цікавымі людзьмі, экскурсіі, піянерскія кастры.

Як расказала дырэктар СШ нумар 35 Галіна Анішчук, у першыя выхадныя верасня таксама плануецца паездка брэсцкіх кадэтаў на Міжнародны ваенна-гістарычны фестываль "Дзень Барадзіна". Кульмінацыяй маштабнага свята стане ваенна-гістарычная рэканструкцыя самых яркіх эпізодаў Барадзінскай бітвы.-0-

Навіны рубрыкі Грамадства
Зубры ў Белавежскай пушчы. Фота з архіва Белавежская пушча ўвайшла ў топ мясцін для падарожжаў у 2020 годзе ад National Geographic
Учора 19:55
Каштоўнасць жыцця павінна быць прыярытэтам і наймальнікаў, і работнікаў - дзяржінспекцыя працы
Учора 17:56
КДК арганізаваў гарачыя лініі па пытаннях бяспечнага знаходжання дзяцей у школах
Учора 15:01
Фота з архіва Прэс-канферэнцыя аб заканадаўстве ў сферы будаўнічай дзейнасці пройдзе ў БЕЛТА 21 лістапада
Учора 13:35
Нацкамісія па правах дзіцяці будзе практыкаваць выезды на месцы для вырашэння праблемных пытанняў
Учора 13:20
Моцны вецер і мінусавая тэмпература чакаюцца ў Беларусі ў бліжэйшыя дні
Учора 13:12
СК Беларусі і American Express будуць абменьвацца данымі аб кіберзлачынствах
Учора 12:49
Імёны амаль 620 чалавек знаходзяцца ў банку даных таленавітай моладзі Беларусі
Учора 10:01
Марзалюк аб сюжэце "Еўраньюс": няправільна выкарыстоўваць эпатажныя, беспадстаўныя заявы
19 Лістапад, 16:59
Поўная версія