Поўная версія

Прыёмная кампанія ў ліцэі і каледжы стартуе ў Беларусі 15 чэрвеня

Грамадства 12.06.2019 | 19:01
Фота з архіва
Фота з архіва

12 чэрвеня, Мінск /Кар. БЕЛТА/. Прыёмная кампанія ва ўстановы прафесійнай тэхнічнай адукацыі стартуе 15 чэрвеня. Плануецца, што навучэнцамі ліцэяў і каледжаў стануць 29,7 тыс. чалавек, паведамілі БЕЛТА ў прэс-цэнтры Міністэрства адукацыі.

Набор будуць весці 127 ліцэяў і каледжаў па больш як 250 прафесіях, а таксама для навучання рабочым прафесіям - 47 устаноў адукацыі іншых узроўняў, якія рэалізуюць адукацыйныя праграмы прафесійна-тэхнічнай адукацыі. "На ўзровень прафесійна-тэхнічнай адукацыі плануецца прыняць усяго 29,7 тыс. чалавек, у тым ліку за кошт сродкаў бюджэту - 29,4 тыс.", - праінфармавалі ў прэс-цэнтры.

У Мінадукацыі адзначылі, што структура падрыхтоўкі кожны год удасканальваецца, каб гібка рэагаваць на зменлівую патрэбнасць рэгіянальных рынкаў працы. "У 2019 годзе плануецца спыніць або прыпыніць прыём па 157 незапатрабаваных прафесіях (у 2018 годзе - па 168) і адкрыць падрыхтоўку па 151 новай для асобных устаноў прафтэхадукацыі прафесіі (у 2018 годзе - па 193)", - расказалі ў прэс-цэнтры.

Плануецца пачаць падрыхтоўку апаратчыкаў апрацоўкі шкловалакністых матэрыялаў, апаратчыкаў дублення (футравая вытворчасць), аддзелачнікаў футровых шкурак, зборшчыкаў вырабаў з пластмасы, аператараў сістэмы аўтаматызаванага вырабу лякалаў. Такія спецыяльнасці ў беларускіх ліцэях і каледжах з'явяцца ўпершыню.

Што датычыцца структуры прыёму, то яна захавае тэндэнцыі мінулых гадоў: спецыяльнасці рэальнага сектара эканомікі складуць каля 80 працэнтаў.-0-

Навіны рубрыкі Грамадства
Поўная версія