Поўная версія

Прадстаўнікі Адміністрацыі Прэзідэнта правядуць на гэтым тыдні выязныя прыёмы грамадзян

Грамадства 07.10.2019 | 10:53
Фота з архіва
Фота з архіва

7 кастрычніка, Мінск /Кар. БЕЛТА/. Кіраўніцтва і службовыя асобы Адміністрацыі Прэзідэнта Беларусі правядуць на гэтым тыдні выязныя прыёмы грамадзян і юрыдычных асоб у рэгіёнах, паведамляе БЕЛТА.

Разам з асабістымі прыёмамі прадстаўнікі Адміністрацыі вывучаць сітуацыю на месцах - выкананне даручэнняў кіраўніка дзяржавы, эфектыўнасць дзеянняў мясцовых органаў улады па павышэнні ўзроўню жыццезабеспячэння насельніцтва. Асаблівую ўвагу плануецца ўдзяліць пытанням сацыяльна-эканамічнага развіцця рэгіёнаў, выяўленню праблем, якія выклікаюць занепакоенасць людзей і патрабуюць аператыўнага вырашэння.

Так, 8 кастрычніка ў 11.00 памочнік Прэзідэнта - інспектар па Гродзенскай вобласці Іван Лаўрыновіч сустрэнецца з жыхарамі рэгіёна ў Мастоўскім райвыканкаме.

Памочнік Прэзідэнта - інспектар па Магілёўскай вобласці Міхаіл Русы правядзе 9 кастрычніка прыём грамадзян у Бялыніцкім райвыканкаме з 9.00.

10 кастрычніка ў Крупскім райвыканкаме з 10.00 будзе весці прыём першы намеснік кіраўніка Адміністрацыі Прэзідэнта Максім Рыжанкоў.

У гэты ж дзень памочнік Прэзідэнта - інспектар па Віцебскай вобласці Анатоль Ліневіч з 10.00 правядзе прыём грамадзян у Докшыцкім райвыканкаме.

Дзве сустрэчы з жыхарамі рэгіёнаў пройдуць і 11 кастрычніка ў 11.00. Памочнік Прэзідэнта - інспектар па Брэсцкай вобласці Анатоль Маркевіч правядзе прыём у Пінскім гарвыканкаме, памочнік Прэзідэнта - інспектар па Гомельскай вобласці Юрый Шулейка - у Брагінскім райвыканкаме.

Запісацца на прыёмы можна па тэлефонах аддзелаў па рабоце са зваротамі грамадзян адпаведных выканаўчых камітэтаў.-0-

Навіны рубрыкі Грамадства
Поўная версія