Поўная версія

Планава-разліковыя цэны на ЖКП з 2020 года будуць зацвярджацца на трохгадовы перыяд

Грамадства 07.11.2019 | 13:08
Фота з архіва
Фота з архіва

7 лістапада, Мінск /Кар. БЕЛТА/. Планава-разліковыя цэны на жыллёва-камунальныя паслугі з 2020 года будуць фарміравацца і зацвярджацца на сярэднетэрміновую перспектыву (тры гады) з дыферэнцыяцыяй па гадах. Адпаведная пастанова Савета Міністраў ад 4 лістапада 2019 года нумар 744 афіцыйна апублікавана сёння на Нацыянальным прававым інтэрнэт-партале, паведамляе карэспандэнт БЕЛТА.

Планава-разліковая цана з'яўляецца асновай для планавання і фінансавання работы арганізацый ЖКГ. Калі паслуга субсідзіруецца з бюджэту, планава-разліковая цана дапамагае вызначыць нарматыў субсідзіравання (колькі трэба дадаць грошай з бюджэту, каб кампенсаваць затраты на прадастаўленне гэтай паслугі).

Згодна з пастановай, планава-разліковыя цэны на жыллёва-камунальныя паслугі на першы год трохгадовага перыяду разлічваюцца па спецыяльнай формуле, а на наступныя два гады - шляхам індэксацыі па формуле.

Устаноўлена таксама, што калі рэалізуецца інвестпраект, накіраваны на зніжэнне затрат, мадэрнізацыю вытворчасці пры аказанні ЖКП, за выключэннем фінансуемых за кошт бюджэту, планава-разліковыя цэны на жыллёва-камунальныя паслугі фарміруюцца з улікам перыяду акупнасці гэтых інвестыцый.

Планава-разліковыя цэны фарміруюцца арганізацыямі жыллёва-камунальнай гаспадаркі ў месячны тэрмін пасля вызначэння Міністэрствам эканомікі прагнозных макраэканамічных паказчыкаў сацыяльна-эканамічнага развіцця Беларусі на сярэднетэрміновую перспектыву.

Пастанова ўступае ў сілу пасля афіцыйнага апублікавання.-0-

Навіны рубрыкі Грамадства
Фота з архіва ЦВК: яўка выбаршчыкаў на датэрміновым галасаванні ў гэтым годзе вышэйшая, чым на парламенцкіх выбарах-2016
Учора 19:29
Беларусь займае 2-е месца сярод краін СНД па колькасці студэнтаў
Учора 18:45
Беларусь і Кітай да 2021 года плануюць рэалізаваць 35 сумесных навукова-тэхнічных праектаў
Учора 16:26
Міхаіл Русы ў час прыёму грамадзян Русы: на месцах з грамадзянамі трэба працаваць асабіста, а не перадаваць дакументы з кабінета ў кабінет
Учора 15:47
ФПБ з 15 лістапада будзе маніторыць выкананне тэмпературнага рэжыму на прадпрыемствах
Учора 14:41
Беларусь ініцыюе змяненне дагавора з Расіяй аб узаемных намаганнях у ахове граніцы
Учора 14:30
Фота з архіва Цёплае і пераважна без ападкаў надвор'е захаваецца ў Беларусі да пачатку наступнага тыдня
Учора 12:10
Зась: набыццё знішчальнікаў Су-30СМ паклала пачатак паэтапнаму пераўзбраенню ВПС Беларусі
Учора 10:10
Кіраўнікі дзяржорганаў у лістападзе правядуць выязныя прыёмы грамадзян
13 Лістапад, 19:55
Поўная версія